Aqparat boıynsha, № 25 mektep pen Jańa orta mektep basshylary qazir Oıyl aýdandyq aýrýhanasynda jatyr. Búgin olarǵa sanavıasııa ushaǵy shyqty. Zardap shekkenderdiń biriniń jaǵdaıy aýyr.
«Biz aldymen shok jaǵdaıynan shyǵarýymyz kerek, naýqas tasymaldaýǵa jaramdy bolsa ony qalaǵa jetkizemiz», dedi Aqtóbe oblystyq bilim basqarmasy basshysynyń orynbasary Bekbolat Izbasarov.
Eske salaıyq, №20 mektep dırektory Baǵdat Orynbaeva men № 33 mektep dırektory Almıra Oraqova Aqtóbe-Oıyl tasjolynda 19 maýsymda bolǵan jol apatynan qaza tapty. Taǵy eki mektep dırektory - №25 mekteptiń dırektory Sholpan Baıadilova jáne Jańa orta mekteptiń dırektory Aqgúl Qısyqova Oıyldaǵy aýdandyq aýrýhanaǵa jetkizilgen.
Pedagog áriptesteriniń aıtýynsha, dırektorlar demalys kúnderi Oıyl aýdanyndaǵy kıeli oryndarǵa barǵan, qaıtar jolda apat bolǵan.
