Ádebı almanah jaryq kórdi

Jınaqqa Abaıdan bas­tap, Q­asym Amanjolov, Juban Mol­da­ǵalıev, Kemel Toqaev, Oljas Sú­leımenov, Murat Áýezov, t.b. qazaq qalamgerleriniń shyǵarmalary engen.

Qazaqstan Respýblıkasynyń Belarýs Respýblıkasyndaǵy Tó­tenshe jáne ókiletti elshisi Asqar Beısenbaev tanystyrý rásiminde eki el arasyndaǵy mádenı jáne gýma­nıtarlyq yntymaqtastyq aldaǵy ýaqytta da jalǵasatynyn tilge tıek etip: «Biz búgin Qazaqstan men Belarýs basshylyǵynyń birlesken kúsh-jigeriniń arqasynda eki eldiń mádenı dıalogy senimdi bolyp kórinetinin maqtanyshpen aıta alamyz», dedi.

Sondaı-aq Belarýs Ulttyq kitaphanasynyń dırektory Oksana Knıjnıkova sońǵy ýaqytta eki el arasyndaǵy qarym-qatynastar qarqyndy damyp kele jatqanyn atap ótti.

Qazaqstannyń ádebı murasynyń úzdik úlgilerin Nıkolaı Metlıskıı, Mıhaıl Pozdnıakov jáne basqalar aýdarǵan. Sondaı-aq eki el ara­syndaǵy ádebı baılanystyń jal­ǵasy retinde Muhtar Áýezovtiń «Abaı joly» roman-epopeıasy ja­ryq kórmek. Shyǵarmany Mıhaıl Pozdnıakov tárjimalaýda. Al al­manah­tyń kezekti shyǵarylymy aldaǵy jylǵa josparlanyp otyr.

Kezdesý qorytyndysy boıynsha Qazaqstan men Belarýs jazýshylary eki eldiń yntymaqtastyǵy men ádebı baılanystaryn odan ári keńeıtý jóninde naqty usynystar ázirlemek.