«Baǵdarlamaǵa «Kópbalaly otbasylar» sanaty boıynsha baspana kezeginde turǵan azamattar ǵana qatysa alady. Eger kópbalaly otbasy bola tura, basqa sanat boıynsha kezekte tursa, baǵdarlamaǵa qatysa almaıdy», delingen habarlamada.
Páterlerdiń jalpy sany: 285.
Barlyǵy eki bólmeli, aýdany: 53,4-57,7 sharshy metr.
Ornalasqan jeri: Qordaı kóshesi, 79 ,79a jáne Abylaı han 56 jáne 56a kóshesi.
Qujattardy qabyldaý 27 maýsym kúni saǵat 00:00-de bastalyp, 27 shilde saǵat 23:59-ǵa deıin jalǵasady.
«Qujattardy qabyldaý tek elektrondy túrde qatysu.zhilfond.kz portaly arqyly júzege asyrylady. О́tinishti barlyq jyldardaǵy (2006-2021) kezekte turǵan azamattar bere alady, alaıda qatysýǵa ótinish bergen kezekte turǵandar arasynan aldymen kezekke erte turǵandar ótedi», dep atap kórsetti mamandar.
О́tinish berý úshin:
ESQ kilti;
Otbasynyń barlyq múshelerine QR boıynsha jyljymaıtyn múliktiń bolmaýy nemese bolýy týraly anyqtamanyń skanerlengen nusqasy;
Balalardyń týý týraly kýálikteriniń/otbasy músheleriniń jeke kýáligi (bolǵan jaǵdaıda) skanerlengen nusqasy;
Neke qııý /nekeni buzý /áke bolýdy anyqtaý týraly kýáliktiń /№4 nysan /qaıtys bolý týraly kýálik (bolǵan jaǵdaıda) skanerlengen nusqasy;
Jyljymaıtyn múliktiń quqyq belgileıtin qujattarynyń (bolǵan jaǵdaıda) skanerlengen nusqasy;
Múgedektik týraly anyqtamanyń (bolǵan jaǵdaıda) skanerlengen nusqasy;
Sozylmaly aýrýdyń tolyq ataýy, jeke bólmege muqtajdyǵy jáne belgili bir qabaty kórsetilgen sozylmaly aýrýdyń medısınalyq qorytyndysynyń (bolǵan jaǵdaıda) skanerlengen nusqasy.
О́tinishterdi qaraý nátıjesi zhilfond.kz jáne zhil-astana.kz saıttarynda, sondaı-aq, turǵyn úı ortalyǵynyń áleýmettik jelilerinde jarııalanady.
