Elorda • 25 Maýsym, 2021

Nur-Sultanda jumysshylary vaksına almaǵan qurylys nysandarynyń jumysy toqtaıdy

35 ret kórsetildi

Nur-Sultan qalasynyń ákimi Altaı Kólginov Instagram paraqshasynda vaksınasııalanǵan qyzmetkerlerdiń qatary az bolsa nysannyń jumysy toqtaıtynyn málim etti, dep habarlaıdy Egemen.kz.

«Bıyl áleýmettik nysandar, ıaǵnı qoljetimdi, jeńildikti turǵyn úı, oqý oryndary, aýla klýbtary jáne t.b. nysandar qurylysynyń kólemi ulǵaıdy. Iri qurylys kompanııalarynyń basshylarymen kezdestik. Jumys josparyn talqylap, ýaqytyn belgiledik.

Epıdemıologııalyq jaǵdaıdy jáne nysanda jumys isteıtin adamnyń kóptigin eskere otyryp, mindetti túrde vaksınasııalaý usynyldy (medısınalyq turǵyda ruqsat etilmegenderden bólek). Vaksınasııa nysanda jumys isteıtin qyzmetkerlerdi jáne olardyń otbasyn, sondaı-aq aınalasyndaǵy jurtty qorǵaıdy.

Osylaısha koronavırýstyń taralýy toqtaıdy. Vaksınasııalanǵan qyzmetkerlerdiń qatary az bolsa, nysannyń jumysyn toqtatýǵa májbúr bolamyz. Sebebi elordamyz ben turǵyndarymyzdyń qaýipsizdigi bárinen joǵary», dep jazdy elorda ákimi.

Sońǵy jańalyqtar

Uqsas jańalyqtar