Táýelsizdiktiń 30 jyldyǵy • 28 Maýsym, 2021

Táýelsizdik tarıhyn tamashalaıdy

89 ret kórsetildi

Elbasy kitaphanasynyń mýzeıinde Táýelsizdigimizdiń 30 jyldyǵyna arnalǵan «Qazaqstandyq jol» jobasy iske qosylyp, onyń alǵashqysy astana kúni qarsańynda «Arman qala» kórmesimen ashyldy.

Atalǵan jobanyń negizgi ıdeıasy – el Táýelsizdiginiń 30 jyldyq kezeńindegi aı­maqtardyń damýyna pano­ramalyq sholý kózdelgen. Jyl sońyna deıin elordadaǵy Qa­zaqstan Respýblıkasy Tuń­ǵysh Prezıdentiniń bi­rinshi rezıdensııasyndaǵy tarıhı ǵımarattyń kórme ala­­ńynda elimizdiń barlyq aı­­maqtaryna arnalǵan is-sha­ralar ótedi.
– Elbasy kitaphanasy eli­mizdiń erekshe merekeleriniń biri – Astana kúni qarsańynda qala jurtshylyǵymen qýana qaýyshyp otyr. Bıyl – mem­leketimiz úshin erekshe jyl, Táýelsizdigimizdiń 30 jyl­dyq mereıtoıy. Egemen elimiz­diń tarıhy jas astanamen ty­ǵyz baılanysty. 1997 jyl­ǵy 10 jeltoqsanda dál osy jerde N.Á.Nazarbaev res­pýb­­lıka astanasynyń Aq­mo­laǵa kóshiriletinin jarııa­lap, elimiz úshin mańyzdy tarıhı sheshimderdiń jańa astanada qabyldanatynyn habarlaǵan bolatyn. Bul oqı­ǵa osy kıeli ǵımaratta, uly derjavalyq memleket basshylarynyń basyn qos­qan Tuńǵysh Prezıdenttiń bu­rynǵy rezıdensııasynda bolǵan edi. Búgingi Qazaqstan astanasynyń tarıhy men bo­lashaǵy «Arman qala» kór­mesine arqaý bolyp otyr. Sebebi, tańǵajaıyp bas qala – el armany men úmitiniń qalasy, elimizdi meken etken barsha ulttyń úlken maq­ta­nyshy, – dedi saltanatty is-sharanyń ashylýynda Elbasy kitaphanasynyń dırektory Baqytjan Temirbolat.
Odan keıin sóz alǵan Nur-Sultan qalasy ákiminiń orynbasary Ermek Qızatov kórmeni uıymdastyrýshylarǵa rıza­shylyǵyn bildirip, sát­tilik tiledi.
Mazmundy is-shara Nur-Sultan qalasy ákimdigi, elor­dalyq memlekettik arhıvi, Qazaqstan Respýblıkasy Ulttyq arhıvi jáne «Astana­genplan» ǴZJI JShS men «KazExpoCongress» AQ birle­sip uıymdastyryldy.
Kórme Elbasy jeke arhıvi men Elbasy kitaphanasy mý­zeıindegi kitap qorynyń materıaldary negizinde asta­nanyń qalyptasýy men damý tarıhyn keshendi zertteýdiń nátıjesi sanalady. Ol eki bólimnen turady, birinshi «Nur-Sultan – Táýelsiz Qazaqstannyń ja­ńa astanasy» bóliminde jańa astanany salý boıynsha Tuńǵysh Prezıdent – Elbasy N.Á.Nazarbaevtyń bastamalary men ıdeıalary týraly dúnıeler usynylsa, ekinshi «Nur-Sultan – dıplomatııa jáne bitimgershilik ortalyǵy» bóliminen elordada ótken, jas astananyń jáne tutastaı memlekettiń halyqaralyq mártebesin nyǵaıtýǵa yqpal jasaǵan jahandyq aýqymdaǵy mańyzdy oqıǵalar týraly materıaldar keshenimen tanys bolasyz.
«Qazaqstandyq jol» joba­synyń qorytyndy kórmesi azat­tyǵymyzdyń besigi – Almaty qalasyna arnalady. Is-shara Qazaqstannyń Tá­ýel­sizdik kúni qarsańyna jos­parlanyp otyr.
Aıta keteıik, «Arman qala» kórmesi 8 tamyzǵa deıin jal­ǵasady.

Sońǵy jańalyqtar

Qor bırjasynda dollar qymbattady

Qarjy • Búgin, 15:53

Elimizde 43 gradýsqa deıin aıaz bolady

Aýa raıy • Búgin, 11:31

Aqsý-Jabaǵyly mańynda jer silkindi

Qoǵam • Búgin, 10:09

Uqsas jańalyqtar