«Búgingi kúni ınfeksııalyq aýrýdyń qaıtadan óskenin baıqap otyrmyz. 28 maýsymda tańǵy ýaqyt boıynsha ınfeksııalyq stasıonarlarda 1 403 pasıent jatyr. Onyń ishinde KVI-ge shaldyqqandar sany – 1256 adam, pnevmonııamen – 147. Osylaısha júkteme 70 paıyzdy qurap otyr», dedi basqarma basshysy Tımýr Muratov.
Onyń aıtýynsha, qalada stasıonarlardyń tósek-oryn qýaty 2 026 oryndy quraıdy. Onyń 2 001-i ınfeksııalyq, 25-i karantındik tósek-oryn sanalady. Qazirgi ýaqytta KVI kúresýge 14 stasıonar, onyń ishinde 13-i ınfeksııalyq, 1-ýi karantındik stasıonar jumyldyrylǵan.
«Esterińizge sala ketsek, ótken jyly kovıdti stasıonar, keıin karantındik stasıonar retinde ashylǵan, ınfeksııalyq stasıonarǵa qaıta beıimdelgen burynǵy «Ramada plaza» qonaq úıin japqan bolatynbyz. Qazir jaǵdaıdy eskere otyryp, bizge sol jerde qaıtadan 500 oryndy ınfeksııalyq tósekter ornalastyrýǵa týra kelip otyr. Osylaısha, «Ramada plaza» qaıtadan koronavırýstyq ınfeksııaǵa shaldyqqan pasıenterdi qabyldaıtyn bolady», dedi ol.
