Prezıdent Qasym-Jomart Toqaev Qazaqstan men Belarýstiń saýda-ekonomıkalyq, ǵylymı-tehnıkalyq, gýmanıtarlyq salalardaǵy baılanystaryn, sondaı-aq, ıntegrasııalyq birlestikter aıasyndaǵy yqpaldastyǵyn oń baǵalady. Qasym-Jomart Toqaev eki memleket basshylarynyń tyǵyz baılanys jasap turatynyn jáne joǵary deńgeıde qol jetkizgen ýaǵdalastyqtardyń sátti júzege asyrylatynyn erekshe atap ótti.
– Sizdiń bul saparyńyzdyń baǵdarlamasy tyǵyz eken. Qostanaı oblysyna bardyńyz. Bul ónerkásip jáne aýyl sharýashylyǵy áleýeti turǵysynan óte mańyzdy. Naqty kelisimderge qol jetkizilipti. Senbi kúni Prezıdentterińiz Aleksandr Lýkashenkomen sóılestim. Eki memleket arasyndaǵy strategııalyq seriktestikti odan ári damytý máseleleri jóninde pikir almastyq. Qazaqstan úshin Belarýs, shyn máninde, strategııalyq seriktes ári odaqtas el. Yntymaqtastyǵymyzdy nyǵaıtyp, damyta berý úshin barlyq múmkindikti jasaımyz, – dedi Qazaqstan Prezıdenti.
