Birsydyrǵy ótip jatqan matchtyń ajaryn alǵash bolyp Ispanııa qaqpashysy Ýnaı Sımon kirgizdi. Alań ortasynan qorǵaýshy Pedrıdiń bergen ekpindi pasyn durys kútip ala almaǵan Sımon Horvatııa quramasynyń alǵa shyǵýyna jaǵdaı jasap berdi. Artynsha ÝEFA bul goldy Pedrıdiń enshisine jazdy. Qalaı bolǵanda da bul – avtogol. Ári bıylǵy chempıonatta tirkelip otyrǵan toǵyzynshy avtogol. Bul turǵydan bıylǵy dop dodasy rekord jasap otyr. Sebebi, osyǵan deıin búkil Eýro dodasynyń barlyǵy qosylyp 9 avtogoldy áreń tirkegen edi.
Osydan soń horvattar belsene qımyldap, esep basymdylyǵyn arttyra túsýge tyrysqan. Alaıda ıspandar baıaý, biraq úzdiksiz jyldamdyqpen oıyn tizginin qolǵa ala bastady jáne ol nátıjesiz de bolǵan joq. Oıynnyń 38 mınýtynda Pablo Sarabııa gol soǵyp, esepti teńestirdi. Úziliske quramalar osyndaı teń jaǵdaıda attandy.
Ekinshi taımda Ispanııa quramasy ózgerdi. Toptyq kezeńindegi súreńsiz qurama keıpinen arylyp, belsendirek qımyldaýǵa kóshti. 57 mınýtta Sesar Aspılıkýeta týrnırdegi alǵashqy golyn soǵyp, komandasyn alǵa shyǵardy. «Chelsı»qorǵaýshysynyń jolyn jas shabýylshy Ferran Torres sátti jalǵastyra bildi. Torres 76 mınýtta Horvatııa qaqpasynan sańylaý taýyp, match núktesin qoıǵandaı bolǵan. Degenmen Zlatko Dalıch komandasynyń sońyna deıin urys salatyny ejelden belgili. Komanda sol minezine basty. Sımon qaqpasy mańyndaǵy qarbalas sátinde Mıslav Orshıch kapıtan Modrıchten kelgen pasty teýip úlgerdi. Sımon dopty qaqpa ishinen qaıtardy. Sóıtip, esep aıyrmasy qysqardy. Bul biz kóretin spektakldiń sońy emes eken. Qosymsha qosylǵan mınýt túgesiler tusta sol qaptaldan áýelete asyrǵan Orshıchtiń pasyna birinshi jetken Marıo Pashalıch esepti teńestirip ketti. Sóıtip, qos komanda aıqasty overtaımda jalǵastyrdy.
100 mınýtta Alvaro Morata gol soqty. Izinshe Mıkel Oıarsabal esepti 5:3-ke jetkizdi. Ári qaraı Horvatııa quramasy esh shara isteı alǵan joq. Ispanııa shırek fınalǵa úlken qıyndyqpen joldama aldy.
