Mınıstr BAQ ókilderiniń pandemııa kezinde halyqtyń «kózi, qulaǵy hám tiline» aınalyp, tynbaı eńbektený arqyly aqparat aıdynynda jalǵan málimetterge boı aldyrmaı, durys baǵyt ustanýǵa kómekteskenin atap ótti.
«28 maýsymnyń Buqaralyq aqparat quraldary qyzmetkerleri kúni bolyp bekitilýi – jýrnalıstıka salasyna ómirin arnaǵan adamdarǵa degen, olardyń kəsibıligine degen qurmettiń belgisi.
Ult bolashaǵyna, eldiń erteńine eren eńbegimen úles qosyp, shyndyqtyń jarshysy bolǵan Sizderdi kásibı merekemen quttyqtaý – biz úshin úlken qýanysh. Táýelsizdik jyldarynda qoǵamnyń «kózi men qulaǵy hám úni» bolǵan «tórtinshi bılik» ókilderimen memlekettik organdardyń tyǵyz yntymaqtastyqta jumys atqarýy óz nátıjesin berip keledi. Mádenıet, sport jáne týrızm salasynyń ózekti taqyryptaryn elimizge, qalyń buqaranyń kókeıtesti máselesin bizge jetkize bilgenderińiz úshin alǵysymyz sheksiz! Buqaralyq aqparat – bılik pen buqara arasyndaǵy altyn kópir. Sizder arqyly halyq bılikke sózin der kezinde jetkizip otyr. Al baspasózben tyǵyz baılanystyń nátıjesinde atqarýshy bılik organdarynyń qyzmeti týraly halyqqa jedel ári naqty aqparat berilip keledi. Densaýlyqtaryńyz myqty bolsyn! Kásipterińizge órleý, shyǵarmashylyqtaryńyzǵa sáttilik, eńbekterińizge tolaıym tabys tileımin!», dedi Aqtoty Raıymqulova.
Osydan keıin Mádenıet jáne sport mınıstri jyl basynan beri atqarylyp kele jatqan jumysqa qysqasha toqtalyp, Mınıstrlik júzege asyryp jatqan kóptegen baǵdarlama men jobany halyqqa jetkizip, keńinen nasıhattaý jolynda BAQ-tyń alatyn orny erekshe ekenin jetkizdi.
«Bıyl baıtaq otanymyzdyń egemendik alǵanyn 30 jyl tolyp otyr. Táýelsizdiktiń 30 jyldyǵyn merekeleý jónindegi jalpyrespýblıkalyq is-sharalar josparyna sáıkes, Mınıstrlik barlyq josparlanǵan is-sharany ýaqtyly jáne sapaly ótkizilýin qamtamasyz etedi. Árbir is-shara ulttyq mádenıetti ilgeriletýge jáne dástúrlerdi jańǵyrtýǵa, salaýatty ómir saltyn nasıhattaýǵa jáne buqaralyq sportty, onyń ishinde ulttyq sport túrlerin damytýǵa, eldiń týrıstik tartymdylyǵyn arttyrýǵa baǵyttalǵan.
Barlyq is-shara jyl basynan buqaralyq aqparat quraldarynda keńinen nasıhattalýda. Búginde 500-den astam materıal jaryq kórdi. Mádenıet jáne óner qaıratkerleri men belgili sportshylardyń qatysýymen 200-den astam suhbat berildi. Mınıstrlikke baǵynysty uıymdardyń resmı paraqshalarynda mádenıet jəne sport salasynyń jetistikteri, memlekettiń týrıstik áleýeti týraly 60-den astam beınerolık ázirlendi.
Mysaly, Alǵys aıtý kúnine arnalǵan «Alǵys aıtý – paryzym» chellendji jáne «Medısına qyzmetkerleri men muǵalimderge alǵys!» aksııasy iske qosyldy. Respýblıkalyq uıymdar dárigerler men muǵalimderge arnalǵan «Meıirimdi bolaıyq baýyrlar» jáne «Dostardyń mýzykalyq keshi» shyǵarmashylyq konsertterin uıymdastyrdy. 14 naýryzda «Kórisý kúni» kishilerdiń úlkenderge sálem berý, qurmet kórsetý, izgi tilekter men batalar aıtý dástúrine negizdelgen birqatar is-sharalar ótkizilip BAQ ta keń kórinis tapty. Eldegi epıdemıologııalyq jaǵdaıdy eskere otyryp, is-sharalardyń kópshiligi onlaın formatta uıymdastyryldy.
Jalpy Táýelsizdiktiń 30 jyldyǵy aıasynda jyl sońyna deıin birqatar mádenı is-shara ótkiziledi. Shildede 30 jańa joǵary kórkem óner týyndy jasaý úshin «Elim meniń» jáne «Táýelsizdik tolǵaýy» respýblıkalyq konkýrsy bastalady. Al qorytyndysy Táýelsizdik kúni qarsańynda shyǵady», dedi mınıstr.
Marapattaýdan keıin mınıstr men BAQ ókilderi arnaıy konsertti tamashalady.
