El birligi elordadan bastalady

– Qazaqstan táýelsizdiginiń 30 jy­lynda elimizde orasan jumystar iske asyrylyp, áleýmettik-eko­no­mıkalyq damýymyz eselendi. Bul rette Qazaqstan halqy Assam­bleıasy men Qazaqstan halqy Nur-Sultan qalalyq Assambleıasynyń úlesi eleýli ekenin zor iltıpatpen aıtamyz. Jalpy aıtqanda, elimizdegi turaqtylyqtyń ornyǵýyna, yntymaq, birlik pen berekeniń nyǵaıýyna Qazaqstannyń Tuńǵysh Prezıdenti – Elbasy Nursultan Nazarbaevtyń sińirgen eńbegi ushan-teńiz. Osy ozyq damý jolynyń sa­baq­tastyǵyn sátti jalǵastyryp kele jatqan Memleket basshysy Qa­sym-Jomart Toqaevtyń da orasan úlesin laıyqty atap ótken jón, – dedi Nur-Sultan qalasynyń ákimi, qalalyq Assambleıanyń tóraǵasy Altaı Kólginov.
Qazaqstan halqy Assambleıasy Tór­aǵasynyń orynbasary Marat Ázil­hanov jıynǵa qatysýshylarǵa ıgi lebizin jetkizip, ortaq maqsatty kózdegen ister týraly baıandady.
– Biz Nur-Sultan qalasynyń etno­mádenı birlestikteriniń jetekshilerimen árdaıym erekshe yqylaspen júzdesip kelemiz. Sizder óńirlerge úlgi bolatyndaı qoǵamdyq kelisim men birlikti kúsheıtý maqsatynda qyzmet etip kelesizder. О́zderińizge málim, Qazaq­stannyń Tuńǵysh Prezıdenti – Elbasy Nursultan Nazarbaevtyń tapsyrmasymen Qazaqstan halqy óńirlik assambleıalary úshin úlgi­lik model retinde Nur-Sultan qala­synyń Assambleıasyn 2025 jylǵa deıin damytý baǵdarlamasy bekitilip, iske asyrylýda. Búgin­gi basqosý astanamyzdaǵy qyzme­timizdiń budan ári damýynyń meı­linshe ózekti máselelerine arnalady, – dedi Marat Ázilhanov.
Sessııa jumysynyń barysynda Nur-Sultan qalasy etnomádenı birlestikteriniń ókilderi óz qyz­metterine qatysty atqarylǵan jumystardy baıandady. Sonymen qatar Qazaqstan halqy Nur-Sul­tan qalalyq Assambleıasy XIX ses­sııasynyń Úndeýi jarııalandy.