Jeńil atletıka • 30 Maýsym, 2021

Jeńil atletter taǵy tórt joldama aldy

37 ret kórsetildi

Kelesi aıda Japonııanyń astanasy – Tokıoda alaýy tutanatyn jazǵy Olımpııa oıyndaryna qatysatyn qazaqstandyq jeńil atletterdiń sany artty, dep habarlaıdy Egemen.kz.

Keshe ǵana Halyqaralyq jeńil atletıka federasııasynyń shtab-páteri ornalasqan Monakodan «Qazaqstan quramasynyń qorjyny taǵy tórt joldamamen tolyqty» degen qýanyshty habar jetti. Tarqatyp aıtsaq, Olga Safronova 100 jáne 200 metrge júgiretinderdiń qataryna qosylsa, Mıhaıl Lıtvın 400 metrlik qashyqtyqta baq synaıdy. Al Irına Ektova úsh qarǵyp sekirýshiler saıysynda óner kórsetedi.

Sóıtip, otandyq «sport padıshasy» ókilderiniń jeńip alǵan lısenzııalar sany 11-ge jetti. Osynyń aldyndaǵy jarystarda Olga Rypakova men Marııa Ovchınnıkova (úsh qarǵyp sekirý), Grıgorıı Sheıko men Aıman Ratova (sporttyq júris), Janna Mamajanova (marafon) jáne Nadejda Dýbovıskaıa men Krıstına Ovchınnıkova (bıiktikke sekirý) joly bolyp, Tokıoǵa baratyndardyń tizimine qosylǵan edi.

 

Sońǵy jańalyqtar

Dollar qaıta kóterildi

Qarjy • Búgin, 16:35

BQO-da Astana kúni atap ótiledi

Elorda • Búgin, 15:59

Almaty qalasy «sary» aımaqta

Koronavırýs • Búgin, 10:28

Uqsas jańalyqtar