Áıelder arasyndaǵy aıtýly doda 2021 jyldyń 24-qyrkúıegi men 1 qazany aralyǵynda ótedi. Alǵashynda oǵan tek el chempıony «Altaı» ǵana qatysýǵa tıis edi. Kúni keshe qurlyqtyq kvotanyń «Jetisýǵa» berilgeni málim boldy. Osylaısha, elimizdiń qos komandasy kúzde Taılandqa attanady.
Esterińizge sala keteıik, Azııanyń klýbtyq chempıonaty 1999 jyldan beri úzdiksiz uıymdastyrylyp keledi. Sol aralyqta Qytaıdyń – segiz, Taılandtyń – alty, Japonııanyń – úsh, Qazaqstannyń – eki jáne Ońtústik Koreıanyń bir ujymy altynnan alqa taǵyndy.
Qazaqstannyń komandalary arasynda Almatynyń «Rahaty» (2004, 2007) eki ret top jarsa, «Jetisý» (2010, 2013) eki ret kúmis medaldi moınyna ildi. Sondaı-aq, taldyqorǵandyqtar eki márte jáne almatylyqtar bir ret qola júldeni ıelendi.
