POWr kompanııasynyń Qazaqstandaǵy ókildigi Code4U mekemesinde 25-ke jýyq adam qyzmet etedi. Kompanııa dırektory jáne bas soft ınjeneri Aıgúl Imadıldaevanyń aıtýynsha, kompanııa shtaty ósip jatyr. Soǵan baılanysty Full-stack programmısteri men Ruby on Rails baǵdarlamalyq jasaqtamasyn, JavaScript, React-ty biletin jas mamandardy jumysqa alý qarastyrylady.
Kompanııa dırektory AQSh-pen ýaqyt aıyrmashylyǵyna qaramastan, jumys birqalypty júrip jatqanyn atap ótti. Sonymen qatar qazaqstandyq jumysshylarynyń nátıjesine qanaǵattanatynyn jáne bolashaqta programmısterdi tek bizdiń elden jaldaýǵa nıetti ekenin alǵa tartty.
«Qazirgi tańda Amerıkandyq kompanııalar arasynda Qazaqstannan qyzmetker jaldaý trendke aınalyp jatyr. Sebebi qazaqstandyqtardyń arasynda da amerıkandyqtar deńgeıinen kem túspeıtin mamandar bar», deıdi A.Imadıldaeva.
Aıta keteıik, POWr - San-Fransıskodaǵy plagınderdi damytýda kóshbasshtabyǵa aınalǵan kompanııa. Ol álemdegi 8 mıllıonǵa jýyq shaǵyn bızneske kómektesken. Serikesteriniń ishinde eCommerce, WordPress, Wix, Weebly, Jimdo, Shopify, Bigcommerce jáne t.b. tanymal kompanııalar bar.
