«Gaýhar Tas» turǵyn úı kesheni eki jyl buryn paıdalanýǵa berilýi tıis edi. Biraq bir páterdi birden birneshe satyp alýshyǵa satyp úlgergen qurylysshy qashyp ketti. Polısııa qyzmetkerleri kúdiktini ustap, tergeý ızolıatoryna otyrǵyzdy. Biraq 200-ge jýyq úlesker qonystaryna áli de kóshe almaıdy, sebebi qurylys jumystary aıaqtalmaǵan. Úleskerler bul nysan basqa qurylys kompanııasyna ótpegenin aıtady, óıtkeni múlik burynǵy ıesine tıesili. Qujattardy ótkizý úshin sot sheshimi qajet.
«Biz sot otyrysyn kúte almaımyz, óıtkeni ol birneshe jylǵa sozylýy múmkin. Bizde ondaı múmkindik te, ýaqyt ta joq. Adamdar sońǵysyn berdi, páterlerin satty. Múgedekter, jalǵyzbasty analar, olar qazir jaldamaly páterde turyp jatyr. Sotqa daıyndyq jarty jyldan astam ýaqyt boıy júrip jatyr, barlyq qujattar men úleskerlerdiń tizimi sotqa usynyldy», dep shaǵymdandy Aqtaý turǵyny Ulmeken Kenjebaeva.
Sot otyrysy 2021 jyldyń 15 shildesine belgilendi. Bul is boıynsha qaraý merzimi áli aıaqtalǵan joq.
«Sot bul isti ádeıi sozyp jatyr degen dálelder múmkin emes dep sanaımyn. О́ıtkeni prosess taǵaıyndalyp, is zańmen belgilengen merzimde qaralady. Atalǵan is boıynsha prosessýaldyq merzimder buzylmaǵan», dep túsindirdi Aqtaý qalalyq № 2 sotynyń tóraǵasy Rahymjan Beısenov.
Qylmystyq is osy aıda sotqa beriledi. Polısııanyń málimetinshe, janjaldy qurylysshy «Alaıaqtyq» baby boıynsha qamaýǵa alynǵan. Ol múlkin tárkilep, jeti jylǵa deıin bas bostandyǵynan aıyrylýy múmkin.
