Búgin oblys ortalyǵynda 30 otbasy men Zerendi aýylynyń 36 otbasy kezekte turǵandar men halyqtyń áleýmettik osal toptaryna arnap salynǵan jańa úılerden páter kiltterin aldy.
Oblys ákimi Ermek Marjyqpaev aqmolalyqtardy qýanyshty oqıǵamen quttyqtady.
«Qazaqstan Respýblıkasy Táýelsizdiginiń 30 jyldyǵyn merekeleý aıasynda sizdermen birge osy tamasha oqıǵanyń qýanyshyn bóliskenime óte qýanyshtymyn. Turǵyndar kópten kútken jańa páterlerdiń kiltterin tabystaý oblys úshin mańyzy zor oqıǵa. Sizderdi qonys toıymen quttyqtaımyn!», dep atap ótti aımaq basshysy.
Gúlnar Kájimova 2013 jyly jas otbasy sanaty boıynsha turǵyn úı kezegine turdy.
«Búgin biz úshin baqytty kún. Armandaǵan páterimizdi aldyq, endi bizdiń de óz uıamyz bar», dep bólisti qala turǵyny Gúlnar Kárimova.
Aıta ketsek, Zerendi aýdanynda halyqtyń áleýmettik osal toptary úshin taǵy bir 45 páterli turǵyn úı qurylysy josparlanǵan. Bıyl Kókshetaýda memlekettik baǵdarlama aıasynda 17 kóppáterli turǵyn úı salynýda.
Sondaı-aq, jaqynda 32 otbasy Esil aýdanynyń ortalyǵynda salynǵan kópqabatty úıdiń jańa qonystanýshylary atandy.
Sondaı-aq jergilikti jerlerde kadrlardy bekitý maqsatynda medısınalyq qyzmetkerler, bilim berý salasynyń qyzmetkerleri jáne turǵyn úıleri apatty dep tanylǵan turǵyndar turǵyn úımen qamtamasyz etildi. Olardyń kópshiligi uzaq jyldar boıy turǵyn úı kezeginde turdy.
Turǵyn úı baǵdarlamasyn iske asyrýdyń sońǵy tórt jylynda óńirde 2 mıllıon sharshy metrden astam turǵyn úı salynyp, 17 myń otbasy jańa qonystanýshylar atandy.
