Qarjy sektorynda genderlik teńdikti jáne áıelderdiń qarjylyq qamtylýyn kúsheıtý Forýmdaǵy «Qarjy salasyndaǵy áıelder» (Women in Finance) sessııasynyń basty taqyryby boldy.
Sessııa áıelderdiń ekonomıkalyq múmkindikterin keńeıtýge qatysatyn jergilikti jáne jahandyq sarapshylardyń, halyqaralyq qarjy ınstıtýttary men bank mekemeleriniń, jáne kásipker áıelder kásiptik qoǵamdastyqtarynyń basyn qosty.
«Qarjy salasyndaǵy áıelder» sessııasynyń negizgi spıkerleri arasynda - Qazaqstan Respýblıkasy Qarjy naryǵyn retteý jáne damytý agenttiginiń Tóraǵasy Madına Ábilqasymova hanym, Eýropalyq Qaıta qurý jáne Damý Bankiniń (EQDB) Ortalyq Azııa boıynsha basqarýshy dırektory Jýjanna Hargıtaı hanym, Citi ınvestısııalyq jáne korporatıvtik bankiniń Úkimetter men memlekettik sektordyń jahandyq blogynyń basshysy Djýlı Monako hanym, «Alfa-Bank» AQ EB Basqarma tóraǵasy Alına Anıkına hanym boldy. Sessııa moderaty mindetin FMA memlekettik reforma jáne saıasat jónindegi aǵa keńesshi Gaýhar Nýrgalıeva hanym atqardy.
Spıkerler kásipker áıelder úshin naryq múmkindikterin jáne áıelderdiń ekonomıkalyq jáne qarjylyq múmkindikterin keńeıtýge baǵyttalǵan halyqaralyq baǵdarlamalardy, sondaı-aq áıelderdiń áleýetin arttyrýmen baılanysty ekonomıkalyq múmkindikterdi talqylady.
«Qazaqstan genderlik teńdikti óziniń strategııalyq maqsattarynyń biri retinde anyqtady, jáne biz bul máseleni alǵa jyljytý úshin júıeli sharalar qoldanyp jatyrmyz. Qazaqstandaǵy korporatıvtik sektordyń qazirgi qurylymyndaǵy kompanııalarda áıelderdiń shamamen 26% top-menedjer qyzmetin atqarady. Sonymen birge, ShOB salasyndaǵy barlyq kompanııalardyń 60% -dan astamyn áıelder basqarady. Bul basqa damýshy eldermen salystyrǵanda salystyrmaly túrde joǵary kórsetkishter», dep atap ótti Qazaqstan Respýblıkasy Qarjy naryǵyn retteý jáne damytý agenttiginiń Tóraǵasy Madına Ábilqasymova hanym.
Paneldik sessııa barysynda spıkerler kásipkerlik daǵdylardy damytýǵa baǵyttalǵan qarjylandyrý men oqytýǵa jaqsy qol jetimdilikti qamtamasyz etýdiń mańyzdylyǵyn talqylady, jáne Forým qatysýshylarymen áıelder úshin bıznes salasyndaǵy halyqaralyq ashyq bilim berý baǵdarlamalary týraly aqparatpen bólisti.
EQDB-niń Ortalyq Azııa boıynsha basqarýshy dırektory Jýjanna Hargıtaı hanym:
«Astana Finance Days aıasyndaǵy áıelderdiń álemdegi jáne Qazaqstan ekonomıkasyndaǵy rólin talqylaý men úshin keremet múmkindik boldy. EQDB-de biz tek jaqsy basqarylatyn, básekege qabiletti, jasyl ekonomıkany qurýǵa ǵana emes, sonymen qatar anaǵurlym ınklıýzıvti jáne ornyqty bolýyna kómektesemiz», dedi.
