Sharada Memlekettik hatshy Qyrymbek Kósherbaev sóz sóılep, fılmniń shyǵý tarıhyna toqtaldy.
«Olıver Stýon myrza burynǵy Keńester Odaǵyndaǵy Ortalyq Azııa memleketterin osyǵan deıin jan-jaqty zerttegen. Álemge usynýǵa laıyq tulǵa izdegen. Jańa zamannyń jańa kóshbasshysy retinde tańdaýy Qazaqstan respýblıkasynyń Tuńǵysh Prezıdenti-Elbasy Nursultan Ábishuly Nazarbaevqa túsipti», dedi Qyrymbek Kósherbaev.
Sondaı-aq, ol Elbasynyń mundaı súıekti týyndysy qaı jaǵynan da laıyqty tulǵa ekenin atap ótti.
«Buǵan baılanysty men bir-eki dúnıe aıtaıyn. Bizde Uly dalada, Qazaq elinde qalyptasqan bir jaqsy dástúr bar. Ol – «Elińde kimiń bar» dep suraq qoıý. О́ıtkeni ár eldiń kelbetin onyń tabıǵatynyń landshafty emes, jerastynyń baılyǵy emes, tulǵalary, qabyraǵaly azamattary qalyptastyrǵan», dedi Memlekettik hatshy.
