Ońtústik Koreıa prezıdenti Pak Kyn He KHDR-ge 1950-1953 jyldary koreı soǵysy kezinde birinen-biri kóz jazyp qalǵan otbasylardy kezdestirý jóninde usynys bildirdi. Bul týraly ITAR-TASS habarlady.
Pak Kyn He sondaı-aq Phenıanǵa bólinetin gýmanıtarlyq kómektiń mólsherin ulǵaıtýǵa sóz berip, KHDR basshysy Kım Chen Ynmen kez-kelgen ýaqytta jolyǵýǵa ázir ekenin jetkizdi.
«Bir-birinen kóz jazyp qalǵan otbasylardy jolyqtyrý syndy gýmanıtarlyq baǵdarlamalardyń júzege asyrylýy ekijaqty qarym-qatynasty jaqsartýǵa septigin tıgizedi», – deıdi Pak Kyn He.
Ońtústik Koreıa prezıdenti Koreı túbegindegi jaǵdaıǵa da alańdaýshylyq bildirdi. Onyń aıtýy boıynsha, Soltústik Koreıa bıligindegi ekinshi adam sanalǵan Chan Son Thektyń ólim jazasyna ushyraýy Phenıanmen qarym-qatynasty damytýǵa keri áserin tıgizýi múmkin.
Pak Kyn He eki Koreıany birigýge shaqyryp, soltústiktiń ıadrolyq qarýdy joıý týraly baǵdarlamasynyń asa mańyzdy ekenin atap kórsetti.
Aıdar О́risbaev.
Derekkóz: Itar-tass.com
Foto: Itar-tass.com
