Elbasy Nursultan Nazarbaev Almatydaǵy «Ýnıversıada-2017» nysandarynyń daıyndyq barysymen jáne «Kókjaılaý» taý shańǵysy kýrortynyń jobasymen tanysty, dep habarlady Prezıdenttiń baspasóz qyzmeti.
Elbasy Nursultan Nazarbaev Almatydaǵy «Ýnıversıada-2017» nysandarynyń daıyndyq barysymen jáne «Kókjaılaý» taý shańǵysy kýrortynyń jobasymen tanysty, dep habarlady Prezıdenttiń baspasóz qyzmeti.
Memleket basshysyna barlyq maýsymǵa arnalǵan «Kókjaılaý» taý shańǵysy kýrortyn damytý tujyrymdamasy tanystyryldy.
Nursultan Nazarbaev barsha qazaqstandyqtardy Jańa jylmen taǵy da quttyqtap, kózdelgen barlyq josparlardyń tabysty iske asyrylýyna tilektestigin bildirdi. Memleket basshysy Almaty oblysy jáne jalpy elimiz úshin týrızm ındýstrııasynyń mańyzdylyǵyn atap ótti.
– Búgin men taý týrızmin damytý salasyndaǵy álemniń kórnekti mamandarynyń usynystaryn qarap shyqtym. Qazirdiń ózinde Shymbulaq taý shańǵysy kesheni myńdaǵan qazaqstandyqtyń salamatty ómir saltyn ustanýyna múmkindik beredi. Jańa taý shańǵysy kýrortynyń jobasy búkil elimiz úshin mańyzdy bolyp sanalady. Almatyda jáne oblysta týrızmdi damytý 100 myńǵa jýyq qosymsha jumys ornymen qamtamasyz etýge múmkindik beredi. Qalanyń qarqyndy damýy taýlarymyzdy utymdy paıdalanýǵa baılanysty bolmaq. Eýropanyń kóptegen elinde adamdar kishkentaıynan sporttyń qysqy túrimen aınalysady. Taý shańǵysy kýrortyna baratyn týrıst jyly jáne teńizi bar elderge baratyn týrısterge qaraǵanda 6 ese kóp kiris ákeledi. Eger biz osy baǵyttaǵy týrıstik salany damytatyn bolsaq, onda myńdaǵan jumys ornyn ashyp, kóp mólsherde, sonyń ishinde tabıǵat qorǵaý salasyna ınvestısııany kóbirek tartatyn bolamyz. Tek Shymbulaq kesheni ǵana emes, oblystaǵy basqa da oryndar paıdalanylatyn bolady jáne bul rette tabıǵat óz kórik-kelbetin saqtap qala beredi, – dedi Qazaqstan Prezıdenti.
Sondaı-aq, Nursultan Nazarbaev Almaty oblysynda taý shańǵysy kýrorty jobalaryn iske asyrýdyń nátıjesinde onyń qazaqstandyqtar demalatyn jáne búkil álem týrısteri baratyn tanymal kópshilik orynǵa aınalatynyn atap ótti.
Buǵan qosa, Memleket basshysyna muz aıdyny men Atletıkalyq qalashyqtyń maketterimen qosa, «Ýnıversıada-2017» bolashaq ınfraqurylymynyń birqatar jobalyq nysandary tanystyryldy.
Ýnıversıadaǵa daıyndyq jóninde baıandama jasaǵan Almaty qalasynyń ákimi Ahmetjan Esimov eki nysannyń – 3000 jáne 12 000 kórermenge arnalǵan muz aıdyny qurylysynyń tehnıkalyq-ekonomıkalyq negizdemesin ázirleý aıaqtalǵany týraly habardar etti. Bul maqsatqa jergilikti bıýdjetten 439,9 mln. teńge bólingen. Qazirgi ýaqytta jobalyq-smetalyq qujattama ázirlemeleri jasalyp jatyr. Al 5 000 orynǵa arnalǵan Atletıkalyq qalashyqtyń tehnıkalyq-ekonomıkalyq negizdemesiniń jobasy ázirlený ústinde.
Almaty qalasynyń ákimi bul nysandardyń qurylys-montaj jumysynyń bastalýy 2014 jyldyń birinshi toqsanyna, al aıaqtalýy 2016 jyldyń shildesine josparlanǵanyn atap ótti.
Sýretti túsirgender
S.BONDARENKO, B.OTARBAEV.
