Aqshalaı syıaqy úshin 34 jastaǵy er adam jelidegi patrýldik qyzmetkerler týraly arandatýshylyq beıneni jarııalamaý úshin 50 myńnan 200 myń teńgege deıin talap etken.
Er adam 300 dollar kólemindegi aqshany qolyna alyp jatqan kezde ustalǵan.
«Bul jedel ári arnaıy is-sharalar júrgizilgennen keıin rastaldy. Kúdiktini qalanyń Áýezov aýdanynda 300 dollar talap etilgen kezde ustadyq. Zattaı dáleldemeler alynyp, QR QK 194-baby, 2-bóligi boıynsha qylmystyq is materıaldaryna tirkeldi», dep habarlady Almaty polısııa departamenti bastyǵynyń orynbasary Rýstam Ábdirahmanov.
Qaskúnem ýaqytsha ustaý ızolıatoryna qamaldy. Bopsalaý faktisi boıynsha ashylǵan ispen tergeý basqarmasy aınalysady.
