Oblystyq tótenshe jaǵdaılar departamentiniń habarlaýynsha, oqıǵa 7 shildede saǵat 23:00 shamasynda bolǵan. 1975 jylǵy azamat oblys ortalyǵyndaǵy «Rısmash» aýmaǵynda Syrdarııaǵa balyq aýlaýǵa shyǵyp, oralmaǵan.
«Oblystyq tótenshe jaǵdaılar departamentine qarasty jedel qutqarý jasaǵynan 4 qutqarýshysy 1 tehnıkamen jáne sýǵa júzý qaıyǵymen oqıǵa ornyna bardy. Izdeý sharalary nátıjesinde azamattyń máıiti búgin, 8 shildede saǵat 6:05-te sýdan shyǵaryldy», dep málim etti oblystyq tótenshe jaǵdaılar departamenti órt sóndirý jáne avarııalyq qutqarý jumystary qyzmetiniń mamany Álııa Erejepova.
