Onyń shinde, profılaktıkalyq is-sharalarǵa basymdyq berilip jatyr. Máselen, bizdiń ortalyq («Nur-Sultan» Olımpıadalyq daıarlaý ortalyǵy) birer jyl buryn esep aıyrysýdyń zamanaýı formatyna kóshti. Iаǵnı, buǵan deıin aqsha issaparǵa attanatyn sportshy men bapkerdiń shotyna tússe, endi tikeleı kútip alýshy ne qyzmet kórsetýshi tarapqa jiberiledi. Ortalyqtaǵy memlekettik satyp alýǵa qatysty sharalar da ashyq jáne jarııaly túrde uıymdastyrylyp júr. Tıisti aqparattar saıtqa salynady. Soǵan sáıkes, kez kelgen adam ony qaraı alady. Buǵan qosa, qazir jańa mamandar qyzmetke baıqaý arqyly qabyldanady. Oǵan qatysty aqparat bizdiń ortalyq pen Sport jáne deneshynyqtyrý isteri komıtetiniń saıtynda jarııalanady.
Para alý jaǵdaılarynyń alyn alý úshin mekeme ishinde arnaıy aqparattyq burysh jáne azamattar shaǵymyna arnalǵan jáshik bar. Al «Saryarqa» sporttyq kesheniniń syrtynda ornalasqan alyp ekrandarda jemqorlyq pen onyń jazasyna qatysty beınerolık oınatylady. Bul jumystar elordadaǵy Sybaılas jemqorlyqqa qarsy is-qımyl agenttigi departamentimen birlesejúzege asyrylyp jatyr. Dál osy agenttik mamandary bizdiń mekeme ujymymen kezdesip, arnaıy jınalys ótkizedi. Onyń barysynda zań buzýshylyqtyń otandyq sportqa ákeletin zalaly jan-jaqty túsindiriledi.
Qysqasy, jemqorlyqtyń túbine balta shabý salada qyzmet etetin ár mamannnyń tanym-túısigi men onyń kúndelikti áreketine baılanysty. Eger barlyǵy óz isine adal bolyp, qaltanyń qamyn kúıttemese otandyq sport ta qaryshtap damıtyny anyq. Al bul máselege nemquraıly qarasaq, óz otbasymyzǵa, óz ujymymyzǵa, qala berdi, óz elimizge jasaǵan úlken qastandyq bolyp tabylady.
Aslan Qajenov
«Nur-Sultan» Olımpıadalyq daıarlaý ortalyǵy
marketıng bóliminiń qyzmetkeri
