«Reseı Federasııasynyń Bas sanıtarlyq dárigeriniń qaýlysyndaǵy ózgeristerge sáıkes, Eýrazııalyq ekonomıkalyq odaqqa múshe memleketterdiń azamattary 10 shildeden bastap Reseıdiń Memlekettik shekarasynan ótken kezde «Covid-19-syz saıahattaımyn» mobıldi qosymshasyn qoldana otyryp, PTR testiniń teris nátıjesin kórsetý kerek», delingen habarlamada.
Vedomstvoda qazaqstandyqtar «Covid-19-syz saıahattaımyn» qosymshasyn paıdalana alatyn algorıtm sıpattalǵan:
- Qosymshany júkteý.
- Baǵdarlama usynǵan tizimnen eń jaqyn zerthanany tańdaý.
- PTR-synaǵyn tapsyrǵannan keıin nátıjeni QR-kodty skanerleý kómegimen «testter» bólimine júkteý kerek (ony zerthana beredi).
- Júktelgen QR-kodty Shekara qyzmetiniń qyzmetkerlerine kórsetý.
«Covid-19-syz saıahattaımyn» qosymshasy qazaqstandyqtar úshin 7 maýsymnan bastap qoljetimdi boldy. Ol EAEO elderine kirýdi jeńildetýge arnalǵan. Platformanyń kómegimen koronavırýsqa taldaý jasaý úshin eń jaqyn zerthanalardy tabýǵa bolady. Synaq nátıjesi QR-kod túrinde keledi, ol azamattardyń júıeden tirkelgen elderge kirýine múmkindik beretin ıntegrasııalanǵan aqparattyq júıege engiziledi.
