Sırııanyń Ulttyq oppozısııalyq jáne revolıýsııalyq kúshteriniń koalısııasy 5 qańtar kúni ózderiniń prezıdentin qaıta saılady. Muny uıymnyń baspasóz habarlamasyna silteme jasaı otyryp, «Frans-Press» agenttigi jarııa etti. Sóıtip, oppozısııalyq qurylymǵa alǵash ret 2013 jyldyń shildesinde prezıdent bolyp saılanǵan Ahmad Jarba basshylyq jasaıtyn boldy.
Endi A.Jarba Ulttyq koalısııaǵa taǵy alty aı jetekshilik etetin bolady. Oǵan Túrkııanyń Ystambul qalasynda ótip jatqan bas assambleıanyń 65 múshesi óz daýystaryn berdi. A.Jarbanyń qarsylasy, Sırııanyń burynǵy premer-mınıstri, eldi 2012 jylǵy tamyzda tastap shyqqan Rıad Hıdjab 13 daýys az alǵan. 44 jastaǵy A.Jarba Saýd Arabııasyna jaqyn saıasatker bolyp sanalady. Osy aralyqta Sırııanyń oppozısııalyq koalısııasynyń ózi tereń daǵdarysty bastan keshirýde. Onyń kóptegen qatysýshylary uıym qazirgi kezde ózderiniń múddesin qorǵamaıdy dep esepteıdi.
Sharaına
Sırııanyń Ulttyq oppozısııalyq jáne revolıýsııalyq kúshteriniń koalısııasy 5 qańtar kúni ózderiniń prezıdentin qaıta saılady. Muny uıymnyń baspasóz habarlamasyna silteme jasaı otyryp, «Frans-Press» agenttigi jarııa etti. Sóıtip, oppozısııalyq qurylymǵa alǵash ret 2013 jyldyń shildesinde prezıdent bolyp saılanǵan Ahmad Jarba basshylyq jasaıtyn boldy.
Endi A.Jarba Ulttyq koalısııaǵa taǵy alty aı jetekshilik etetin bolady. Oǵan Túrkııanyń Ystambul qalasynda ótip jatqan bas assambleıanyń 65 múshesi óz daýystaryn berdi. A.Jarbanyń qarsylasy, Sırııanyń burynǵy premer-mınıstri, eldi 2012 jylǵy tamyzda tastap shyqqan Rıad Hıdjab 13 daýys az alǵan. 44 jastaǵy A.Jarba Saýd Arabııasyna jaqyn saıasatker bolyp sanalady. Osy aralyqta Sırııanyń oppozısııalyq koalısııasynyń ózi tereń daǵdarysty bastan keshirýde. Onyń kóptegen qatysýshylary uıym qazirgi kezde ózderiniń múddesin qorǵamaıdy dep esepteıdi.
Bir-birin gazet arqyly aıyptady
Japonııa men Qytaı elshileri Londonda «Deılı Telegraf» gazetine maqalalar jazyp, onda bir-biriniń elderi júrgizip otyrǵan saıasattaryn synaǵan edi. Qytaı dıplomaty Lıý Sıaomınniń maqalasy 1 qańtar kúni jarııalansa, japondyq dıplomat Keıchı Haıashıdiń jaýap maqalasy 5 qańtar kúni shyqqan bolatyn.
Haıashı de Sıaomın sııaqty qarama-qarsy taraptyń saıasatyn syn tezine alǵan. Dıplomatııalyq mıssııalardyń basshylary bir-biriniń elderin qarýly qaqtyǵysqa alyp kelýi yqtımal mılıtarıstik saıasat júrgizip otyr dep aıyptaǵan. Atap aıtqanda, Japonııa elshisi ótken jyldyń qarasha aıynda Qytaıdyń birjaqty negizde Shyǵys-Qytaı teńizinde jańa áýe shabýylynan qorǵanys aımaǵyn engizgenin eske salǵan. Elshiniń pikirinshe, bul Qytaı tarapynan kezekti arandatý áreketi bolyp tabylady. Al Qytaı elshisi bolsa, Japonııa premer-mınıstri Sındzo Abeniń byltyrǵy jeltoqsanda japondyq áskerı qylmyskerler jerlengen Iаsýkýnı hramyna barǵanyn jazǵyra jamandaıdy.
Qysqa qaıyryp aıtqanda:
*AQSh-tyń shyǵysynda qatty aıaz bolyp tur. Máselen, el astanasy – Vashıngton qalasynda synap baǵanasy mınýs 30 gradýsty kórsetken. Úsip ólgender jetip-artylady. Munymen qosa, burshaq jaýyp, jurtshylyqty ábigerge túsirgen. Sýyq aýa raıy eldiń atalǵan aımaǵynda áli de jalǵasady dep kútilýde.
*О́tken jeksenbi kúni Qytaıdyń negizinen musylmandar turatyn Nınsıa-Hýeı avtonomııalyq aýdanyndaǵy Gýıýan qalalyq okrýgindegi meshitte bolǵan dinı rásim kezinde 14 adam qaza tapqan. «Sınhýa» agenttiginiń habarlaýynsha, oqıǵaǵa adamdardyń qyspaǵy sebep bolǵan. Taǵy 10 adam zardap shekse, tórteýiniń jaǵdaıy óte aýyr kórinedi.
*Mozambıktiń týmasy, ataqty portýgalııalyq fýtbolshy Eısebıo 72 jasqa qaraǵan shaǵynda kóz jumdy. Ol óziniń úıinde qaıtys bolǵan. Eısebıo 1966 jyly Londonda ótken álem chempıonatynyń qola júldegeri. Jergilikti «Benfıka» fýtbol klýbynyń sapynda eldiń 11 dúrkin chempıony atanǵan.
О́zine-ózi qol salǵan sekildi
Soltústik Koreıa kósemi Kım Chen Ynnyń tátesi ózine ózi qol salǵan. Bul týraly úkimettegi derek kózine silteme jasaǵan ońtústikkoreıalyq «Choson Ilbo» basylymy habarlady. Mundaı málimdeme jasaýǵa Kım Gen Hıdiń uzaq ýaqyt kópshilik aldyna shyqpaǵany sebep bolyp otyrǵan sekildi.
Resmı Phenıan bul týraly eshqandaı resmı aqparat taratqan joq. Máselen, ótken jyldyń jeltoqsan aıynda Kım Gen Hı óziniń aǵasy Kım Chen Irdiń qaıtys bolýynyń eki jyldyǵyna arnalǵan sharalar barysynda kópshilik kózine túspegen. Bul onyń densaýlyǵynyń yqtımal nasharlaýy nemese Soltústik Koreıanyń kópshilik ómirine qatysýdan bas tartýǵa májbúr bolýy týraly áńgimeler týyndatqan edi. Kım Chen Ynnyń tátesi sońǵy ret jurtshylyq aldyna ótken jyldyń qyrkúıeginde, ıaǵnı KHDR-diń qurylýyn merekeleý kezinde shyqsa kerek. Al Koreıa kósemi jezdesi Chan Son Thekti byltyrǵy 12 jeltoqsanda atyp óltirtkizgen bolatyn.
О́lim sebebi ázirshe belgisiz
«Qytaı temirjoly kompanııasynyń» prezıdenti Baı Chjýnjen ózin ózi óltirgen. Buǵan deıin bıznesmen oqys oqıǵa saldarynan qaza tapty delingen bolatyn. Naqtylanǵan aqparatqa sáıkes, Baı Chjýnjen terezeden sekirip ketken. Onyń týysqandarynyń aıtýlarynsha, 53 jastaǵy bıznesmen sońǵy jyldary depressııadan zardap shegip kelipti.
Buqaralyq aqparat quraldarynyń derekteri boıynsha, prezıdenttiń kúızelistik jaǵdaıynyń sebepteriniń biri «Qytaı temirjoly kompanııasy» dýshar bolǵan jáne odan qutylýǵa esh múmkindik tappaǵan úlken qaryz bolýy yqtımal. Mysaly, fırmanyń keıbir bólimsheleri óz qyzmetkerleri men jumysshylaryna 2013 jyldyń sońǵy aılarynan beri jóndi eńbekaqy tóleı almapty. Al «Qytaı temirjoly kompanııasyn» úkimet baqylaýynda ustaıdy. Fırma basshylyǵynyń qandaıda bir jemqorlyqqa qatystylyǵy týraly eshteńe aıtylmaıdy.
Shveısarııaǵa qonys aýdardy
«IýKOS-tyń» burynǵy basshysy Mıhaıl Hodorkovskıı túrmeden bosaǵan sátinen bastap baspana retinde paıdalanyp kelgen Berlındegi otelden zaıyby men kishi balalary turyp jatqan Shveısarııaǵa qonys aýdardy. Hodorkovskııdiń baspasóz hatshysy onyń qazir Shveısarııanyń naqty qaı qalasynda ekenin naqtylaǵan joq.
30 jeltoqsanda Berlındegi Shveısarııa elshiliginde Hodorkovskııge 3 aıǵa Shengen vızasy berilgen edi. Qujattardy rásimdeý úshin bir apta ýaqyt ketken. Keıbir derek kózderi «IýKOS-tyń» burynǵy basshysy Shveısarııaǵa turaqty qonystaný múmkindigin qarastyryp jatqanyn kóldeneń tartady. Hodorkovskııdiń 10 jyl túrmege otyryp shyqqany, ótken jyldyń qarasha aıynda otbasylyq jaǵdaıyna baılanysty Reseı prezıdenti Vladımır Pýtınge ótinishpen shyǵyp, onyń raqymshylyǵyn alǵany belgili. О́ziniń ekonomıkalyq qylmys jasaǵanyn moıyndamaǵan Hodorkovskıı búginde «kórmegenim Reseı bolsyn» dep otyrǵan syńaıly.
Internet materıaldary negizinde ázirlendi.
