«Tergeý aıaqtaldy. Sońǵy 5 kún qalǵanda, kúdik «urlyqtan» «ókilettigin asyra paıdalanýǵa» aýystyryldy. Tergeý 2020 jylǵy mamyrda, 14 aı buryn bastaldy. Densaýlyq saqtaý mınıstrliginiń basshylyǵy urlyq jasady degen kúdikke ilindi, nátıjesinde olaı bolmaı shyqty. Muny Qarjy monıtorıngi agenttigi moıyndady», dedi Birtanovtyń qorǵaýshysy.
Onyń aıtýynsha, Eljan Birtanov kinásin moıyndamaıdy.
Sonymen qatar advokat 2020 jyldyń qarashasynan bastap Birtanovty úıqamaqqa alý zańsyz bolǵanyn, «tergeý buzylyp, is obektıvti júrgizilmegenin» aıtty.
Buǵan deıin Qarjy monıtorıngi agenttigi burynǵy densaýlyq saqtaý mınıstri Eljan Birtanov pen vıse-mınıstr Oljas Ábishevke qatysty sotaldy tergeý aıaqtalǵanyn habarlaǵan bolatyn.
