Aqmola oblysynyń ortalyǵy – Kókshetaý qalasynda jýyrda bosanǵan áıel nárestesimen birge perzenthana ǵımaratynyń ekinshi qabatynan sekirdi. Bul týraly «Qazaqstan» telearnasy habarlady.
Sábı aman qalǵanymen, anasynyń bas súıegine zaqym keldi jáne onyń aıaǵy syndy. Dárigerlerdiń aıtýynsha, áıel náresteni saý qalpynda bosanǵan. Onyń nelikten mundaı qadamǵa barǵany áli anyqtala qoıǵan joq. Belgilisi, 27 jastaǵy kelinshek qylmystyq atqarý júıesi departamentinde jedel ýákil bolyp qyzmet atqarady eken.
«Qasyndaǵy azamatsha shaı qoıýǵa shyǵyp ketkende, kelinshek perzenthana terezesin syndyryp, nárestesimen birge ekinshi qabattan sekirgen. Qazir bul ana oblystyq aýrýhanada jatyr. Dárigerler oǵan jaqyn arada ota jasaıdy»,- deıdi Aqmola oblysyndaǵy perınataldyq ortalyqtyń bólim meńgerýshisi Aıymgúl Mahanova.
Baqytbek Keneshuly.
Derekkóz: «Qazaqstan» telearnasy
Foto: «Qazaqstan» telearnasy.
