Baıqońyr ǵarysh aılaǵynyń № 200 ushyrý alańynan bortynda «Naýka» modýli bar «Proton-M» zymyran-tasyǵyshynyń starty 2021 jylǵy 21 shildede, jergilikti ýaqyt boıynsha saǵat 17:58-ge (Nur-Sultan ýaqytymen saǵat 20:58:21) belgilengen. Ushyrýdyń rezerv ýaqyty - 22 jáne 23 shilde.
Bastapqyda ushyrý 15 shildege belgilengen, alaıda ushar aldyndaǵy jumystardan keıin «Naýka» modýli montajdaý-synaý korpýsyna qaıtarylyp, ushyrý bir aptaǵa keıin qaldyryldy.
Reseılik aqparat quraldary usynǵan málimetke súıensek, ushyrýdy keıinge qaldyrý sebebi - mamandardyń qurastyrý kezinde juldyz sensorlaryn ekran-vakýýmdy jylý oqshaýlaǵyshpen jabýdy umytyp ketýinde.
«Naýka» modýliniń HǴS-qa ushýy 8 táýlikke sozylady, onyń «Zvezda» qyzmettik modýline qosylýy 29 shildege belgilengen.
«Naýka» zerthanalyq modýli paıdalanýǵa berilgennen soń, HǴS-tyń reseılik segmenti qosymsha jumys orny men júk saqtaý, sý men ottegini regenerasııalaıtyn apparatýra ornalasatyn oryndy ıelenedi. Iаǵnı ǵaryshkerlerdiń jaǵdaıy jaqsaryp, HǴS ekıpajynyń qaýipsizdigi kúsheıe túsedi.
