Qazaqstan aýmaǵynyń basym bóliginde aıazdy ashyq aýa raıy qalpy saqtalyp qalady. Bul týraly Ras. kz habarlady.
Respýblıkanyń batysy men soltústik-batysynda keı jerlerde qar jaýyp, burqasyn turyp, jeldiń ekpini kúsheıedi, taǵy bir jerlerde tuman túsedi. Qostanaı oblysynda tańerteń jáne kúndiz jeldiń jyldamdyǵy sekýndyna 15-20 metrge jetedi, burqasyn soǵady, túnde jáne azanda keı jerlerde tuman túsedi.
Shyǵys Qazaqstan, Jambyl oblystarynda keı jerlerde tuman túsedi, kúndiz Shyǵys Qazaqstan oblysynda, túnde Jambyl oblysynda 15-20 metr jyldamdyqpen jel soǵady. Aqmola, Soltústik Qazaqstan oblystarynda azdaǵan burqasynmen birge sekýndyna 15-20 metr jyldamdyqpen jel turady.
Mańǵystaý jáne Ońtústik Qazaqstan oblystaryn tuman tumshalaıdy. Astanada seısenbi kúni kóshpeli bul shyǵyp, ońtústik batystan sekýndyna 9-14 metr jyldamdyqpen jel soǵady. Qar jaýmaıdy. Aýanyń temperatýrasy kúndiz 16-18, túnde 24-26 gradýs bolady. Almatyda kóshpeli bult shyǵady, qar jaýmaıdy, jeldiń ekpini 5 metr bolady, synap baǵanasy kúndiz 8-10, túnde 18-20 gradýstyq sýyqtyqty kórsetedi.
Sadyq Sapar.
Derekkóz: Ras. kz
Foto: Newskaz. ru
