Ispanııa koroli Hýan Karlos I-niń qyzy Krıstına Marııaǵa zańsyz jolmen tabylǵan aqshalardy aýdarý men salyq quqyǵyn buzý áreketteri boıynsha aıyp taǵylyp otyr. Bul týraly ITAR-TASS habarlady.
Krıstına Marııa 8 naýryzda ótetin tergeýge shaqyryldy. Ispanııa sot organdarynyń málimeti boıynsha, mundaı sheshimdi koroldiń kúıeý balasy Inıakı Ýrdangarınnyń qylmystyq isi boıynsha tergeý júrgizip jatqan Belear araldary sot palatasynyń sýdıasy Hose Kastro qabyldaǵan.
Hose Kastro Krıstına Marııanyń túrli jobalardy iske asyrý úshin «Noos» ınstıtýtyna bólingen memlekettik qarjyny aýdarý maqsatynda «Aızoon» kompanııasynyń shottaryn qoldanǵany dáleldenip otyrǵanyn alǵa tartty. Al memlekettik qarajat bólingen «Noss» ınstıtýtyn onyń kúıeýi Inıakı Ýrdangarın basqarǵan. Sondaı-aq erli-zaıyptylar aqsha aýdarýǵa paıdalanylǵan «Aızoon» kompanııasynyń da ıeleri bolyp shyqqan kórinedi.
Eger Krıstına Marııanyń kinási dáleldenetin bolsa, ol 6 jylǵa deıin bas bostandyǵynan aıyrylýy múmkin.
Aıdar О́risbaev.
Derekkóz: Itar-tass.com
Foto: Itar-tass.com
