Shymkent qalasynda qoǵamdyq kólikke «Tólem» elektrondy júıesi ótken jyldyń 15 qazanynan bastap engizilgen. Búgingi kúnge deıin 305 929 tólem kartasy satylyp, júıe arqyly 80 paıyzdan astam tranzaksııa jasaldy. Nátıjesinde tasymaldaýshylardyń salyqtyq tólemderi ótken jyldyń kórsetkishine qaraǵanda tórt esege artty.
Shymkentte jolaýshylar kóligin damytýdyń keshendi shemasy daıyndalyp, bekitildi. Osynyń aıasynda qoǵamdyq kólikterdi jańartý baǵdarlamasy iske asyrylyp jatyr. Buryn qala turǵyndaryn «Ankai» markaly dızel otynymen júretin 300 avtobýs tasymalsada, búginde avtobýs parki «Yutong» markaly 300 jańa, metan gazymen júretin avtobýspen tolyqqan. Jyl sońyna deıin taǵy 290 jańa avtobýs lınııaǵa shyqpaq. Osylaısha, qoǵamdyq kóliktiń 80 paıyzy jańarady. Bul avtobýstar da gazben júretin bolady.
Qalada 16 tasymaldaýshy 1050 qoǵamdyq kóliktiń qyzmetin kórsetýde. Jolaýshylar tasymalyn júzege asyratyn 78 marshrýttyń 57-si áleýmettik mańyzy bar marshrýtqa jatady.
Sondaı-aq qalada turǵyndaryna sapaly ári turaqty qyzmet kórsetý maqsatynda avtobýs baǵyttaryn onlaın rejıminde kórýge arnalǵan «I-kolik» mobıldik qosymshasy iske qosyldy.
