Taraz qalasyndaǵy «Qurylys-polımer» sııaqty óndiris orny tek Chehııa men Ońtústik Koreıada ǵana bar
«Qurylys-polımer» kásiporny memlekettik údemeli ındýstrııalyq-ınnovasııalyq damý baǵdarlamasy sheńberinde júzege asyryldy. Búginde kásiporynda 160-tan astam adam jumys isteıtin bolsa, jaqyn bolashaqta olardyń sany 250 adamǵa deıin jetýi múmkin.
Taraz qalasyndaǵy «Qurylys-polımer» sııaqty óndiris orny tek Chehııa men Ońtústik Koreıada ǵana bar
«Qurylys-polımer» kásiporny memlekettik údemeli ındýstrııalyq-ınnovasııalyq damý baǵdarlamasy sheńberinde júzege asyryldy. Búginde kásiporynda 160-tan astam adam jumys isteıtin bolsa, jaqyn bolashaqta olardyń sany 250 adamǵa deıin jetýi múmkin.
Búginde polımerden jasalǵan ónimder qurylys ındýstrııasynda keńinen qoldanylady. Onyń óndiristik tehnologııasy men tehnıkalyq minezdemesi de «jaqsy» degen baǵaǵa ıe bolǵan. Mysaly, armırlengen plenkalar (úldirler) buǵan deıin tek qana Ońtústik Koreıa men Chehııada jasalyp kelgen bolsa, ony endi Qazaqstanda da óndire bastamaq. Al jol qurylysyna qoldanylatyn taıqy dánekerlengen geosetkalardy jasaıtyn el, tipti, joq dese de bolǵandaı. Sondaı-aq, torlardy qurylys salasy úshin, mysaly, qasbetke tutýǵa, qorǵanystyq-dekoratıvtik jaǵdaıda paıdalanýǵa, jamylǵy men qorshaý retinde ustaýǵa jáne sylaq aldynda da qoldana berýge bolady. Kásiporyn jalpy 24 túrli ónim shyǵarady.
Polımer ónimderi temir, aǵash, temir-beton, qıyrshyq tas sııaqty taǵy basqa da qymbat qurylys materıaldaryn paıdalanýdyń kólemin qysqartyp, tipti, elektr qýatyn únemdeýge de múmkindik beredi, deıdi mamandar. Mysaly, jańadan jol tósep, ony merziminde paıdalanýǵa berýde osy tehnologııanyń arqasynda shyǵyndy 20 paıyzǵa deıin azaıtýǵa bolady eken. Sondaı-aq, joldy jańalap qaıta jóndeý merzimin 4-5 jylǵa uzarta túsetin qasıeti de bar. Armırlengen tósenish ústine beton nemese sement quıyp, ony 6-7 santımetr qalyńdyqta jaıý kezinde ár sharshy metrge 2500 teńge únemdelmek. Atap aıtsaq, atalǵan ónimderdi qoldaný bes qabatty úıdiń qurylysyn júrgizý kezinde ózindik qunyn 10-12% tómendetýge, I kategorııaly joldyń 1 shaqyrymynyń qurylysyn júrgizý kezinde ózindik qunyn 9-10% arzandatýǵa múmkindik beredi. Bul orasan zor paıda. Kásiporynnyń ónimderi qazirdiń ózinde suranysqa ıe. Mysaly, ónimderdi «Batys Eýropa – Batys Qytaı» halyqaralyq kólik dálizin salýda sheteldik jáne jergilikti merdigerler kóp paıdalanýda.
Budan bólek, jańa ónimdi qoldaný, qurylys sapasyn jaqsartyp, ony eýropalyq deńgeıge kótere túsedi. Jobany júzege asyrý úshin, ıaǵnı qajetti qural-jabdyqtardy alýǵa «Bıznestiń jol kartasy-2020» baǵdarlamasy sheńberindegi nesıe de aıtarlyqtaı kómektesken.
Zaýyttyń óndiristik keshenine polımerlik ónim óndiretin 16 ınnovasııalyq jeli kiredi. Endi TMD elderinde balamasy joq jańa óndiristiń oblystaǵy áleýmettik-ekonomıkalyq jaǵdaıdy burynǵydan da jaqsarta túsetini anyq. Jobanyń quny 1,8 mıllıard teńgege baǵalanypty. Munda bir jylda 32 mıllıon sharshy metr plenkalyq (úldir) jáne setkalyq (tor) ónimder shyǵarylady. Sondaı-aq, 30 myń tekshe metr ızolıasııalyq plıtkalar jasalatyn bolady.
Kósemáli SÁTTIBAIULY,
«Egemen Qazaqstan».
Jambyl oblysy.
