Konkýrstyq irikteýden ótken stıpendıattar magıstratýra men doktorantýraǵa túsip nemese Qazaqstanda úlken suranysqa ıe mamandyqtar boıynsha álemniń jetekshi joǵary oqý oryndarynda taǵylymdamadan ótetin bolady.
«Bolashaq» stıpendııasyn taǵaıyndaý úsh ret ótip, qorytyndysy maýsym, tamyz jáne qarasha aılarynda belgili bolady.
«Stıpendııalar «Medısına», «Jaratylystaný jáne áleýmettik ǵylymdar», «Bilim berý», «Innovasııalar jáne jańa tehnologııalar», «Kreatıvti ındýstrııa», sondaı-aq «Indýstrııalyq ınjenerııa» baǵyttary boıynsha bólingen. 2021 jyly «Bolashaq» baǵdarlamasy boıynsha oqýǵa barlyǵy 1055 stıpendııa bólindi, onyń ishinde 555 stıpendııa magıstratýra, rezıdentýra, doktorantýra baǵdarlamalary boıynsha bólindi. Bıyl alǵash ret «Ǵalymdar» taǵylymdamasynyń jańa sanaty boıynsha 500 stıpendııa bólindi. Bul sanat Memleket basshysy Qasym-Jomart Toqaevtyń tapsyrmasy boıynsha quryldy. Bul shyn máninde buryn-sońdy bolmaǵan shara. Endi jyl saıyn elimizdiń 500 ǵalymy álemniń jetekshi ǵylymı ortalyqtarynda taǵylymdamadan ótip, osy ortalyqtardyń zerthanalary bazasynda birlesken zertteýler júrgize alady. Biz ǵalymdarymyzdy belsendilik tanytyp, shákirtaqy taǵaıyndaýǵa qatysýǵa shaqyramyz», dedi Bilim jáne ǵylym vıse-mınıstri Qýanysh Erǵalıev.
Eske sala ketsek, «Bolashaq» halyqaralyq stıpendııasyn taǵaıyndaý konkýrsyna qatysý úshin qujattardy qabyldaý 4 mamyrdan bastalyp, 28 qazanǵa deıin jalǵasady.
