Oblystyq polısııa departamenti baspasóz qyzmetiniń málimetinshe, bıylǵy maýsymnyń 30-da Kókshetaý qalalyq polısııa basqarmasynyń kezekshi bólimine qala turǵyny, 31 jastaǵy áıel habarlasyp, 1960 jyly týǵan ákesi Bolatbek Qorǵanbekuly Battalovty izdep tabýǵa kómek suraǵan.
Er adamdy izdeý jumysyna Kókshetaý qalalyq PB jeke quramynan 20 adam, Aqmola oblystyq TJD jeke quramynan 5 adam, 15 volonter, 40 kýrsant jáne 8 tehnıka jumyldyryldy.
Sentralnyı, Vasılkovka shaǵynaýdanyndaǵy páter ıelerinen suralyp, beınejazba kameralaryndaǵy jazbalar tekserildi.
«Izdestirý jumysynyń nátıjesinde er adamnyń denesi 9 shilde saǵat 10:00 shamasynda Kókshetaý qalasynan áýejaıǵa barar joldaǵy orman alqabynan tabyldy. Qazirgi kezde sot-medısınalyq saraptama taǵaıyndaldy. Oqıǵanyń mán-jaıy anyqtalý ústinde», dedi vedomstvodan.
Aıta ketsek, osyǵan deıin Aqmola oblysynda habar-osharsyz ketken er adamǵa izdeý jarııalanǵan bolatyn.
