Almatyda «Techlabs CUP» halyqaralyq kıberfestıvali bolyp ótti. Atalmysh shara osydan alty jyl buryn AQSh-ta tusaýyn kesken bolatyn. Onyń mezgildik oıyndary Mınskide bastalyp, Kıev pen Máskeýde jáne sońǵy kezeńi Almaty qalasynda ótkizildi. Iri kıberoqıǵaǵa Qazaqstan, Ýkraına men Reseı elderiniń 24 komandasynan quralǵan 115 geımer qatysyp, olardyń oıynyn baqylaýǵa 4 myńǵa jýyq jankúıer jınaldy.
Almatyda «Techlabs CUP» halyqaralyq kıberfestıvali bolyp ótti. Atalmysh shara osydan alty jyl buryn AQSh-ta tusaýyn kesken bolatyn. Onyń mezgildik oıyndary Mınskide bastalyp, Kıev pen Máskeýde jáne sońǵy kezeńi Almaty qalasynda ótkizildi. Iri kıberoqıǵaǵa Qazaqstan, Ýkraına men Reseı elderiniń 24 komandasynan quralǵan 115 geımer qatysyp, olardyń oıynyn baqylaýǵa 4 myńǵa jýyq jankúıer jınaldy.
Sońǵy jyldary Reseı, Belarýs, Ýkraına, Qazaqstanda turaqty ótkizile bastaǵan bul festıval TMD aýmaǵyndaǵy kompıýter oıyndary boıynsha eń iri jarys bolyp sanalady.
Sonymen, kıbersporttyq jarystar eń tanymal kıber erejeler – World of Tanks, League of Legends, Dota 2, Counter-Strike: Global Offensive, FIFA jáne Tekken boıynsha ótkizildi. Irikteý kezeńinde onlaın rejiminde búkil Qazaqstan jáne TMD elderinen shamamen 1000 geımer qatysty. Olardyń keıbireýleri ǵana kıberfestıval ótken «Praım Plaza» oıyn-saýyq ortalyǵynda naqty ýaqyt ishinde 16 500 AQSh dollar kólemindegi jalpy júldeli utys oıynyna qatysty.
– Kıbersport, sporttyq ındýstrııanyń jańa salasy retinde, joǵary tehnologııalar naryǵymen tikeleı baılanysta, aqparattyq tehnologııalar salasyndaǵy álemniń iri oıynshylarynyń nazaryn aýdaryp otyr. Kompıýterlik sporty damyǵan jáne iri halyqaralyq kıberlıgalar ótkiziletin elderde, mindetti túrde iri IT-kompanııalardyń joǵary tehnologııalar ındýstrııasyn damytýǵa ınvestısııalar tartylatyn bolady, – dedi «Techlabs CUP» bas dırektory Alekseı Býrdyko.
Jarys kezinde halyqaralyq kıberfestıvaliniń seriktesi bolyp kele jatqan, geımındýstrııa úshin biregeı ónim jelisin óndiretin Kingston Technology kompanııasy festıval qatysýshylaryna osy salanyń sońǵy jetistikteri men jańalyqtaryn nasıhattady.
Týrnır jeńimpazdaryna jadynyń joǵary ónimdilikti «HyperX Genesis» jáne «HyperX Blue» modýlderiniń jınaqtary, sonymen qatar, «DataTraveler» flesh-jınaǵyshtary tabys etildi.
– Qazaqstanda kıbersport damyp keledi. Munan bylaıǵy jerde biz erekshe geımerlerdiń talaptaryn qanaǵattandyryp, olarǵa oıyndarda, keıin is júzinde jetistikterge qol jetkizýge kómektesýmen qatar, ekstremaldy joǵary ónimdilikti jady qurylǵylarymen geımerlerdi qamtamasyz etetin bolamyz, – deıdi Kingston Technology kompanııasynyń Qazaqstandaǵy jáne TMD elderindegi ókili Andreı Larchenkov.
Búgingi kúni álemniń qosalqy geımer mádenıetine 300 mıllıonnan astam halyq, Reseıde shamamen 40 mıllıon geımer tartylǵan. Bul san 2016 jylǵa qaraı eki eselenedi degen boljam bar. Osyǵan uqsas statıstıka TMD-nyń barlyq elderinde de kezdesedi. Geım-ındýstrııasy damyǵan elderde (AQSh, Qytaı, Ońtústik Koreıa jáne basqalar) kıbersport IT-mamandyǵy boıynsha ilgerileý baspaldaǵynyń biri bolyp sanalady. Búgingi tańda onyń suranysy álemde óte joǵary.
Ashyq derekkózderdiń málimetterine kóz salsaq, Yandex, Google jáne álemdegi eń iri kompanııalardyń árbir ekinshi/tórtinshi qyzmetkeri eks-geımer bolyp tabylady. Álemdegi qyzmet boıynsha bos oryndardyń 60 paıyzyn IT-mamandaryn izdeý deregi quraıdy. TMD elderinde árbir besinshi bos oryn – IT jáne IT-mamandaryna suranys ortasha eseppen 1,5 esege artyq.
Qazirgi tańda qazaqstandyq geımerler de ártúrli lıgalarǵa jáne festıvalderge turaqty qatysyp keledi. Oǵan qosa geımerlerdiń kásibı komandalaryn qurý jáne odan ári damytýdy kózdep otyr.
Al Almatydaǵy kıberfestıval sporttyq shoýdyń barlyq erejeleri boıynsha ótkizildi. Festıvaldiń árbir qonaǵy jańa oıyndardy testiledi, jekpe-jektiń test-draıvtaryna qatysty. Al jankúıerler myqty kıbersportshylardan avtograf alyp, súıikti oıynshylary men komandalarǵa jaqtasty.
Aınash ESALI,
«Egemen Qazaqstan».
ALMATY.
