«Halyq – qatesiz synshy», «Aına aına emes, halyq – aına» degendi babalarymyz teginnen tegin aıtpaǵan. О́mir kórip, kóńilge toqyǵandyqtan, ony ataly sózge syıǵyzyp, artyndaǵy urpaqqa amanat etken. Ásirese, memlekettik qyzmette ter tógip júrgen azamat ózderiniń halyqqa qyzmet etýi kerek ekenin, qarapaıym halyq qalasa, hannyń ózi kópshiliktiń tilegin oryndaıtynyn jadynda ustaýy shart.
«Halyq – qatesiz synshy», «Aına aına emes, halyq – aına» degendi babalarymyz teginnen tegin aıtpaǵan. О́mir kórip, kóńilge toqyǵandyqtan, ony ataly sózge syıǵyzyp, artyndaǵy urpaqqa amanat etken. Ásirese, memlekettik qyzmette ter tógip júrgen azamat ózderiniń halyqqa qyzmet etýi kerek ekenin, qarapaıym halyq qalasa, hannyń ózi kópshiliktiń tilegin oryndaıtynyn jadynda ustaýy shart. Muny Elbasymyz N.Nazarbaev ta óziniń «A» korpýsyna iriktelgen mamandar arasynda sóılegen sózinde: «Bizdiń bárimiz jalaqyny memleketten, bıýdjetten alamyz. Bizdi qoǵam músheleri – Qazaqstan azamattary asyrap otyr. Endeshe, biz osy halyqqa qyzmet etýge tıispiz! Muny umytýǵa bolmaıdy», – dep túıindep, qatań eskertý jasaǵan edi.
Aq pen qarany saralaıtyn sot qurylymy da halyqtyń quqyǵyn qorǵap, memlekettegi ádildikke syna túsirmeý úshin qaltqysyz jumys isteýdi maqsat etedi. «Kózsiz kúneltseń de, kópsiz kúnelte almaısyń», demekshi, sot qurylymy bedeliniń de qalyptasyp, mártebesiniń artýyna qarapaıym jurtshylyqtyń yqpaly zor. Sot salasynda júrgizilgen reformalardyń, izgi bastamalardyń áserinen bolar, qazir talap-aryzyn arqalap sotqa keletin, sotty qorǵanym dep senetin jandar kóbeıip keledi. Ony sýdıalar júktemesiniń jyl ótken saıyn joǵarylap otyrǵanynan da baıqaýǵa bolady. Endigi jerde osy jyldar boıy jınaǵan bedeldiń bıigin alasartpaı, sot salasyn salıqaly, sapaly tórelik alańyna aınaldyrý baǵytyndaǵy jumystardy jandandyra túsken jón. Kez kelgen salanyń tiregi – mamandar. Osy turǵydan alǵanda, memlekettik qyzmetkerdiń bilimi men biligine nazar aýdaryp, olardyń kópshilikpen tildesýine, ózin ózi ustaýyna mán bergen durys.
Sot salasynyń bedeli tek sýdıalardyń bolmysyna, sheshimine qarap qana baǵalanbaıdy. Sot bıligine degen alǵashqy kózqaras, alǵashqy áser ǵımaratqa kirgende azamattardy qarsy alyp, jol kórsetetin mamandardyń iltıpatynan, izettiliginen qalyptasady. Osyǵan oraı, sot tabaldyryǵyn attaǵan azamattarǵa quqyqtyq kómek kórsetetin, bilmegenin túsindirip, qoldaý bildiretin mamandar alǵyr, zerek bolýmen qatar, shydamdy, sarabdal bolǵandary jón. Búgingi zamannyń ozyq tehnologııasyn kórsetip, jańalyqtardy jurtshylyq sanasyna sińirý de osy mamandardyń biliktiligine baılanysty. Sottaǵy ozyq isterdi mamandar túsindirip, jetkizbese, bul qurylymǵa birinshi ret isi túsip otyrǵan azamattar istiń mán-jaıyn qaıdan biledi? Sot júıesine qatysty onyń pikiri qalaı qalyptasady? Neǵurlym kóp, neǵurlym keń maǵlumat alǵan halyqtyń sol salaǵa qatysty aıtar pikiri, lebizi de oń bolmaq.
Sondyqtan, sot qurylymynyń bedeline nuqsan keltirmes úshin bilikti mamandardy iriktep alýmen qatar, olardyń minsiz qyzmet etýin de nazarda ustaý kerek. Kez kelgen memlekettik qyzmetker «qatardan assań da, halyqtan aspaq joq» degendi jadynan shyǵarmasa deımiz.
Tursyn QOShAEVA,
Shalqar aýdandyq sotynyń keńse meńgerýshisi.
Aqtóbe oblysy.
