Sport • 11 Shilde, 2021

«Ýımbldonda» Eshlı Bartıdiń baǵy jandy

29 ret kórsetildi

Ulybrıtanııanyń astanasy – Londonda ótken «Ýımbldon» týrnıriniń áıelder arasyndaǵy saıysy aýstralııalyq tennısshi Eshlı Bartıdiń jeńisimen aıaqtaldy, dep habarlaıdy Egemen.kz.

Joǵarydaǵy nátıje qalyń kórermendi asa tańdandyra qoıǵan joq. Sebebi, búgingi tańda Eshlı Bartıdiń aldyna túsetin oıynshy kemde-kem. Ol – álemniń birinshi raketkasy. 25 jastaǵy jasyl qurlyqtyń ókili buǵan deıin de kóptegen dúbirli dodalarda daralanǵan. Atap aıtsaq, 2019 jyly «Ýımbldonda» top jardy, byltyr Aýstralııanyń ashyq birinshiliginiń fınalynda oınady jáne WTA týrnırlerin 11 márte utty.

Bıyl Londondaǵy jarysta Bartı Karla Sýraes-Navarro (Ispanııa), Anna Blınkova (Reseı), Katerjına Sınıakova men Barbora Kreıchıkova (Chehııa), Aıla Tomlıanovıch (Aýstralııa) jáne Anjelıka Kerberdi (Germanııa) qapy qaldyryp, fınalda Chehııanyń taǵy bir ókili Karolına Plıshkovamen sheberlik baıqasty. Bul tartys 6:3, 6:7, 6:3 esebimen álemniń eń úzdik tennısshisiniń paıdasyna sheshildi.  

Esterińizge sala keteıik, qazaqstandyqtar arasynan aıtýly týrnırde eń táýir kórsetkishke Elena Rybakına qol jetkizdi. Ol tórtinshi kezeńge deıin jetip, sol mejede belarýssııalyq Arına Sobolenkoǵa ese jiberdi.

Sońǵy jańalyqtar

Almaty zoobaǵy qonjyqpen tolyqty

Ekologııa • Búgin, 19:10

Dollar taǵy qymbattady

Qarjy • Búgin, 16:55

Elimizdiń basym bóliginde jańbyr jaýady

Aýa raıy • Búgin, 16:39

Almatyda sýburqaqtar iske qosylady

Aımaqtar • Búgin, 16:11

Uqsas jańalyqtar