Qalamyzda, tipti, elimizde buryn-sońdy kezdespegen oqıǵa boldy. 10 myń AQSh dollary elimizge tanymal «Spartak» komandasynyń eń úzdik oıynshysyna berilmek.
Qalamyzda, tipti, elimizde buryn-sońdy kezdespegen oqıǵa boldy. 10 myń AQSh dollary elimizge tanymal «Spartak» komandasynyń eń úzdik oıynshysyna berilmek.Júldeger atanýdyń basty sharty, oıynshy óz komandasynyń patrıoty, ıaǵnı osy komandada úzdiksiz 10 jyl boıy ter tókken oıynshy bolýy kerek. Bul jaǵymdy jańalyq jaıly qala ákiminiń fýtbol federasııasy qyzmetkerlerimen kezdesýinde júlde usynyp otyrǵan «Semeı tańy» – «Vestı Semeı» gazetteriniń dırektor-bas redaktory Rıza Moldasheva habarlady. Qala ákimi Aıbek Kárimovtiń aıtýynsha, bul kúnge deıin birde-bir BAQ aımaqta, tipti, Qazaqstan Respýblıkasy kóleminde sportty qoldaý úshin osyndaı júlde taǵaıyndap kórmepti. Júlde «Spartak klýbyna adaldyǵy úshin» dep atalady.
«Semeı tańy» – «Vestı Semeı» gazetteriniń dırektor-bas redaktory, qalalyq máslıhattyń depýtaty Rıza Moldasheva:
– Fýtbol federasııasy men semeılik komandaǵa jańa jeńister tileımin. Buryn bizdiń basylymdarymyz tek aqparattyq qoldaý kórsetse, endi biz bir fýtbolıske júlde usynyp otyrmyz. Ol óz komandasynyń patrıoty bolýy kerek jáne kem degende 10 jyl úzdiksiz osy komanda sapynda oınaǵan bolýy shart. Júlde kólemi – 10 myń AQSh dollary. Bul – bolashaq jeńimpazdarǵa, bizdiń fýtbolshylarǵa kórsetilgen qoldaý, qurmet. Atalǵan bastama dástúrli túrde aldaǵy jyldarda da jalǵasyn tabatyn bolady, deıdi.
Esterińizde bolsa, «Spartak» komandasy araǵa toǵyz jyl salyp, joǵary lıgaǵa qaıta qosylǵan bolatyn. Qazaq fýtbolynyń otany sanalatyn Semeıde aıaqdoptyń qaıta túleýine qala ákimi Aıbek Kárimovtiń sińirgen eńbegi erekshe.
SEMEI.
