Endi az kúnnen keıin Aq Olımpıadanyń qyzyǵyn tamashalaımyz. Sochıde ótetin álemdik saıysqa bizdiń saıypqyrandar da qatyspaq. Baq shabaryn ne bap shabaryn bir Alla biledi. Degenmen, ulttyq quramadaǵylar qorjynnyń bos qaıtpaıtynyna senimdi. Kem degende, Denıs Tenniń ózi olja salýy kerek. Árıne, sportta boljam jasaý qıyn. Biraq úmit bar.
Endi az kúnnen keıin Aq Olımpıadanyń qyzyǵyn tamashalaımyz. Sochıde ótetin álemdik saıysqa bizdiń saıypqyrandar da qatyspaq. Baq shabaryn ne bap shabaryn bir Alla biledi. Degenmen, ulttyq quramadaǵylar qorjynnyń bos qaıtpaıtynyna senimdi. Kem degende, Denıs Tenniń ózi olja salýy kerek. Árıne, sportta boljam jasaý qıyn. Biraq úmit bar.
Qysqy Olımpıadanyń aldynda Qyzylordaǵa aqjoltaı habar jetti. Slovakııanyń astanasy Bratıslavadan. Onda mánerlep syrǵanaýdan «Slovakııanyń Jańa jyldyq kýbogy» atty jarys ótken-tin. 3-6 qańtar aralyǵynda bolǵan synǵa álemniń 15 elinen sportshylar qatysqan. Solardyń ishinen Elızabet Tursynbaeva atty qyzylordalyq qarshadaı qyz jeńispen oraldy. Elızabet ádemi oıyn-órnegin kórsetip, jarys jeńimpazy atandy. Endi ol naýryz aıynda Bolgarııada bolatyn jasóspirimder arasyndaǵy álem chempıonatyna jáne álemdik Gran-prı dodasyna qatysýdy aldyna maqsat etip qoıyp otyr.
«Qysqy sport túrleri qazaqtyń qoly emes», deıtin qasań pikir bar edi. Mine, onyń da sheti sógilip keledi. О́ıtkeni, Táýelsizdik jyldarynda dúnıege kelgen búldirshinderdiń sport seksııalarynyń esigin attaǵany keshe ǵana. Nátıjesi bilinip jatyr. Endi birer jylda qysqy sport túrlerinen álemniń ozyq elderimen taıtalasyp jatqan qazaq balalaryn kóretinimizge kámil senemiz.
Erjan BAITILES,
«Egemen Qazaqstan».
QYZYLORDA.
