Jaqynda Shyǵys Qazaqstan oblystyq ekonomıka jáne bıýdjettik josparlaý basqarmasy bastyǵynyń orynbasary Sáýle Ulaqova aqparat quraldary ókilderimen kezdesip, memleket-jeke menshik áriptestigi arqyly О́skemende – 6, al Semeıde 5 balabaqsha qurylysy bastalatynyn aıtty.
Jaqynda Shyǵys Qazaqstan oblystyq ekonomıka jáne bıýdjettik josparlaý basqarmasy bastyǵynyń orynbasary Sáýle Ulaqova aqparat quraldary ókilderimen kezdesip, memleket-jeke menshik áriptestigi arqyly О́skemende – 6, al Semeıde 5 balabaqsha qurylysy bastalatynyn aıtty.
– Balabaqshalar kesheniniń qurylysyna qatysty jobalar aldymen Astana qalasyna saraptamaǵa jiberildi. Biz qanshama asyqqanymyzben mınıstrlikte qujattar rásimdeýden uzaq ýaqyt ótedi. Ár joba salalyq, ekonomıkalyq saraptamadan kem degende úsh ret ótedi, – dedi óz sózinde S.Ulaqova.
Buǵan qosa, densaýlyq saqtaý salasyndaǵy jobalar da bar. О́skemen qalasyndaǵy 300 orynǵa shaqtalǵan kópsalaly aýrýhananyń qurylysy jáne Semeıdegi 200 orynǵa shaqtalǵan balalar aýrýhanasynyń jobalary da Astana qalasyna memlekettik saraptamaǵa jiberildi. Ázirge anyqtalǵan kemshilikterdi joıý sharalary qolǵa alyndy. Memleket-jeke menshik áriptestigi ortalyǵynyń basshysy Álııa Masaǵanovanyń aıtýyna súıensek, qazirgi tańda barlyq jobalar ınvestorlardyń qoldaýyn tapty. Sonymen qatar, ortalyq «Damý» qorymen, ekinshi dárejeli banktermen tyǵyz baılanys ornatty.
О́ńir basshysy B.Saparbaev munyń aldyndaǵy alqaly jıynda Shyǵys óńirinde áleýmettik jobalardy júzege asyryp qana qoımaı, ınvestorlardy qyzyqtyratyndaı ózge de jobalardy qarastyrý qajet ekendigin atap kórsetken.
– Aqtaý men Atyraý qalalarynda áýejaı qurylysyna qatysty tıimdi jobalar bar. Bizge de osy syndy baǵdarlamalardy qarastyrý qajet. Semeı qalasynda kólik-logıstıkalyq keshenniń baryn eskersek, osyndaı jobalar biz úshin de, ınvestorlar úshin de tıimdi, – deıdi oblys ákimi bul jobalarǵa oń kózqarasyn bildirip.
Ońdasyn ELÝBAI,
«Egemen Qazaqstan».
О́SKEMEN.
