Túrik úkimeti 350-ge tarta polısııa qyzmetkerlerin jumystan shyǵarý týraly ókim etken. VVS aqparat agenttiginiń habarlaýynsha, jumystan bosatylǵan polıseılerdiń bári de el astanasy Ankarada jumys istegen.
Olardy jumystan bosatý týraly sheshim ótken jyldyń jeltoqsanynda týyndaǵan sybaılas jemqorlyqqa qatysty daý-janjalǵa baılanysty qabyldanyp otyr. Osyǵan deıin habarlanǵanyndaı, ótken aıda Túrkııada sybaılas jemqorlyqqa qarsy reıd sheńberinde polısııa elýden astam adamdy qamaýǵa alǵan bolatyn, olardyń ishinde 3 mınıstrdiń balasy men birneshe iri kásipker bar. Bul oqıǵa elde úlken silkinis týǵyzyp otyr.
Túrik úkimeti 350-ge tarta polısııa qyzmetkerlerin jumystan shyǵarý týraly ókim etken. VVS aqparat agenttiginiń habarlaýynsha, jumystan bosatylǵan polıseılerdiń bári de el astanasy Ankarada jumys istegen.
Olardy jumystan bosatý týraly sheshim ótken jyldyń jeltoqsanynda týyndaǵan sybaılas jemqorlyqqa qatysty daý-janjalǵa baılanysty qabyldanyp otyr. Osyǵan deıin habarlanǵanyndaı, ótken aıda Túrkııada sybaılas jemqorlyqqa qarsy reıd sheńberinde polısııa elýden astam adamdy qamaýǵa alǵan bolatyn, olardyń ishinde 3 mınıstrdiń balasy men birneshe iri kásipker bar. Bul oqıǵa elde úlken silkinis týǵyzyp otyr.
Zymyran synaqtan sátti ótti
Úndi áskerıleri seısenbi kúni ıadrolyq oqtumsyq alyp júrýge qabiletti «Prıthvı-2» operatıvti-taktıkalyq zymyrandy kezekti ret tabysty synaqtan ótkizdi. The Times of India gazetiniń aqparatyna qaraǵanda, synaq eldiń shyǵysyndaǵy Orıssa shtatynda ornalasqan «Chandıpýr» polıgonynda júzege asyrylǵan.
«Prıthvı-2» ballıstıkalyq zymyrany tolyqtaı Úndistanda ázirlenip, jasalǵan. Onyń ushý uzaqtyǵy 350 shaqyrymdy qurasa, paıdaly salmaq kólemi shamamen 500-1000 kılogramdy quraıdy eken. Úndistandyq áskerıler «Prıthvı-2» zymyranyn sońǵy ret 2013 jyldyń jeltoqsan aıynda synaqtan ótkizgen bolatyn.
Federaldyq rezerv júıesin áıel basqarady
AQSh senaty prezıdent Barak Obama usynǵan Djanet Iellenniń kandıdatýrasyn Federaldyq rezervtik júıe basshysy laýazymyna bekitti. Ol bul qyzmette Ben Bernankeni almastyratyn bolady. Sońǵy eki jyl boıy Dj.Iellen onyń orynbasary bolyp istegen bolatyn.
B.Bernanke sııaqty Dj.Iellen de ekonomıster arasynda «kógershin» degen ataqqa ıe. Bul olar úshin ınflıasııamen kúres emes, jańa jumys oryndaryn qurý basymdyqqa ıe bolyp tabylady degendi bildiredi. Ol ótken jyldyń qyrkúıeginde burynǵy qarjy mınıstri Larrı Sammers oppozısııa qarsylyǵyna tap bolý saldarynan óz kandıdatýrasyn qaıtyp alýyna baılanysty FRJ basshysy laýazymyna birden-bir kandıdat retinde qalǵan bolatyn.
Shańǵydan qulap, jaraqat aldy
Germanııa kansleri Angela Merkel Shveısarııada shańǵymen serýendep júrip jambasynan jaraqat alǵan. Bul týraly onyń baspasóz hatshysy jýrnalısterge dúısenbi kúni habarlaǵan kórinedi.
Onyń aıtýynsha, Merkel shańǵymen óte joǵary jyldamdyqta syrǵanaǵan. Bloomberg agenttiginiń habarlaýyna qaraǵanda, Germanııa úkimetiniń basshysy dárigerlerdiń oǵan tósek rejimin saqtaýdy talap etýine baılanysty taıaýdaǵy úsh aptada belgilengen kezdesýlerin keıinge qaldyratyn bolady. Buǵan deıin Merkel 8 qańtarda Varshavaǵa barady dep belgilengen bolatyn. Sonymen birge, kanslerdiń óz úıinde otyryp jumys isteı beretini jáne sársenbi kúni mınıstrler kabınetiniń kezdesýine qatysatyny da belgili bolyp otyr.
Premer prezıdent saılaýyna qatyspaıdy
Lıtvanyń premer-mınıstri, sosıal-demokrattar lıderi Algırdas Býtkıavıchıýs áriptesteriniń saılaýǵa túsýge shaqyrýyna qaramastan, óziniń prezıdent saılaýyna qatyspaıtynyn berik túrde málimdedi.
Sosıal-demokratııalyq partııanyń prezıdıýmy prezıdent saılaýyna Eýroparlament múshesi Zıgmantas Balchıtıstiń kandıdatýrasyn qolaılap otyr. Degenmen, onyń kandıdatýrasy ázirge resmı túrde usynylǵan joq. Al partııa tóraǵasynyń orynbasary, densaýlyq saqtaý mınıstri Vıtıanıs Povılas Andrıýkaıtıs dúısenbi kúni óziniń premerdi prezıdent saılaýyna túsýge úgittep kórýge tyrysatynyn atap ótken.
Ataqty medıamagnat ómirden ozdy
Azııadaǵy eń yqpaldy medıamagnattardyń biri, Shaw Organisation medıakorporasııasynyń negizin qalaýshy Ran Ran Shoý (Shao Jenlen) 107 jasynda Gonkongta qaıtys boldy, dep habarlady brıtandyq VVS korporasııasy.
О́ziniń baýyrymen birge Ran Ran Shoý kýng-fý týraly fılmderdi keńinen taratýmen aınalysqan Shaw Brothers Studios kınokompanııasynyń negizin qalaǵan bolatyn. Onda sol sııaqty birqatar keń tanymal teleshoýlar men myńǵa tarta kınofılmder de jasaldy. Olardyń arasynda birqatar bedeldi syılyqtarǵa ıe bolǵan «Atyshýly kúń» atty tarıhı drama da bar. Medıamagnat sol sııaqty qaıyrymdylyqpen de belsendi aınalysyp, medısına jáne bilim berý mekemelerine qarjy aýdaryp turdy.
Brıtan premeri atyna syn aıtty
Polsha syrtqy ister mınıstri Radoslav Sıkorskıı dúısenbi kúni Ulybrıtanııada jumys isteıtin, al otbasylary Polshada turatyn polıaktarǵa otbasylyq járdemaqylar tóleýge qarsylyq bildirgen brıtan premeri Devıd Kemeronnyń atyna syn aıtty.
Eger Ulybrıtanııa bizdiń salyq tóleýshilerimizdi qabyldaıtyn bolsa, onda ol olarǵa tıisti járdemaqyny da tóleýge tıis emes pe? Olaı bolsa nelikten polshalyq salyq tóleýshiler brıtandyq salyq tóleýshilerdiń balalaryn sýbsıdııalaýǵa tıis. Polsha syrtqy ister mınıstri osy sózderdi aǵylshyn tilinde óziniń Tvıtterinde jazǵan kórinedi. Al ol kóptegen eýropalyq buqaralyq aqparat quraldaryna tarap ketken.
Internet materıaldary negizinde ázirlendi.
