Depýtattar muǵalimderdiń suraqtaryna jaýap berip, olarǵa qashyqtan oqytýdy zańnamalyq qamtamasyz etýge qatysty jaqynda qabyldanǵan zańnyń erejelerin túsindirdi.
«Túzetýler «qashyqtan oqytý» uǵymyn naqtylaıdy jáne ony ótkizý tártibin belgilengen. Sondaı-aq oqýlyqtardy sapaly daıyndaýdyń jekelegen erejeleri engizildi», dedi senator Altynbek Nuhuly.
Senator Nurjan Nursıpatov óz kezeginde sessııa barysynda atqarylǵan jumystar týraly aıta kelip, ınklıýzıvti bilim berý týraly qabyldanǵan Zańnyń jańalyqtaryna jan-jaqty toqtaldy.
«Zańda ınklıýzıvti jáne arnaıy bilim berýdiń normatıvtik quqyqtyq bazasyn jetildirý, sondaı-aq elimizdiń zańnamasyn Adam quqyqtarynyń jalpyǵa birdeı deklarasııasy jáne Múgedekterdiń quqyqtary týraly konvensııa qaǵıdattaryna sáıkes keltirý jónindegi mindetter sheshilýde», dedi senator Nurjan Nursıpatov.
Senatorlardyń Pavlodar oblysy prokýratýrasynyń basshylyǵymen kezdesýi barysynda Palatanyń aǵymdaǵy jylǵy zań shyǵarý qyzmeti týraly da sóz boldy. Qylmystyq proseske, quqyq qorǵaý qyzmetine jáne saılaýǵa baılanysty zańnamaǵa engizilgen túzetýlerge erekshe nazar aýdaryldy.
