Qazaqstannan qashyp, Reseı aýmaǵynda júrgen boryshkerlerdiń biri qazaqstandyq bankige 2 mln teńge qaryz bolyp, 2014 jyldan bergi izdeýdegi 54 jasar áıel. Ol jeti jyl boıy Reseıdiń Omby qalasynda jasyrynyp júrgen. Eki eldiń birlesken izdeý jumystarynyń nátıjesinde onyń turǵylyqty mekeni anyqtaldy. Endi áıel belgili ýaqytta qaryzyn ósimimen qaıtarmasa Qazaqstanǵa deportasııalanyp, zańǵa sáıkes jazasyn tartatyn bolady.
Sondaı-aq sot oryndaýshynyń qaýlysymen 500 myń teńge qaryz bolyp, Reseı aýmaǵyna ketip izin jasyrǵan Ǵabıt Músirepov aýdanynyń 42 jastaǵy turǵynynyń da turǵylyqty mekeni anyqtaldy. Ol tipti Tolıattı qalasyna asyp ketipti. Al taǵy bir boryshkerdi polıseıler shekaralas Túmen qalasynan izdep tapty.
Sondaı-aq, bir táýlik ishinde SQO kóshi-qon qyzmetiniń polıseıleri kórshi eldiń aýmaǵynda júrgen úsh alıment tólemeýshini anyqtady.
