Shyǵys Qazaqstan oblysy, О́skemen qalasynda jańa týǵan nárestesin óltirgen 21 jasar qyz túrmege otyrmaıtyn bolyp jazaǵa kesildi. Bul týraly Ras.kz habarlady.
Bul sumdyq jantúrshigerlik oqıǵa ótken jylǵy 23 qyrkúıek kúni oryn alǵan bolatyn. Oblys ortalyǵynyń 21 jasar turǵyny, ekinshi toptaǵy múgedek úıinde óz tolǵaǵynyń merziminen buryn kelýine áreket jasaıdy. Sosyn jaryqqa shyqqan shaqalaqtyń daýsyn kórshi bólmedegi basqa týystary bilmeýi úshin ony sol boıda tunshyqtyryp óltiredi. Onyń denesin polıetılen paketke salyp, kóshege laqtyryp jibermekshi bolady. Alaıda, áıeldiń jaǵdaıy kenet nasharlap ketedi de, ol úıdegilerdi kómekke shaqyrýǵa májbúr bolǵan. Artynsha «jedel járdem» jetip keledi.
Polıseılerdiń aıtýlarynsha, anasy qyzynyń ekiqabat ekenin de, onyń óz bólmesinde týyp jatqanyn da bilmepti.
Jeltoqsannyń sońynda bala óltirý isi boıynsha sot prosesi óziniń máresine jetti. Oblystyq sot baspasóz qyzmetiniń aqparynda 21 jastaǵy turǵyn jańa týǵan qyzyn óltirgeni úshin aıypty dep tanylǵany týraly jazylǵan.
Saıt tilshisiniń málimdeýinshe, О́skemen qalalyq №2 soty aıypkerge Qylmystyq kodekstiń 97-babyna sáıkes, bas bostandyǵyn úsh jylǵa deıin shekteý degen jaza qoldandy. Bul jaza bola almaı qalǵan anany qoǵamnan oqshaýlamaıdy, ol burynǵysynsha óz úıinde bola beredi. Alaıda, áıel endi arnaýly qyzmet organdary qyzmetkerleriniń udaıy baqylaýynda bolady eken.
Baqytbek Keneshuly.
Derekkóz: Ras.kz
Foto: Ras.kz.
