Astananyń «Barys» komandasy Qurlyqtyq hokkeı lıgasyndaǵy kezekti oıynynda Tatarstannyń «Ak Bars» klýbymen kezdesip, syrt alańda 2:1 esebimen jeńiske jetti. Bul týraly egemen.kz tilshisi habarlady.
Bul matchta birinshi kezeńniń úshinshi mınýty jaqyndaǵanda óz qaqpasyna shaıbany jiberip alǵanymen, «Barystyń» hokkeıshileri oıyn sońyna deıin baryn salyp, aıdyn ıelerine eki shaıbany soǵyp, Qazannan mańyzdy degen úsh upaıdy áketti. Kezdesýde «Barystyń» qaqpashysy Ahonen tipten jarady. Ol match bastalysymen alań ıeleriniń talaı ret qaqpaǵa soqqan shaıbalaryn qaıtaryp, «Ak Barsqa» esep teeństirýdiń ózine eshqandaı múmkindik bermedi. Al oıynda bizdiń komandadan Tım Steplton esepti teńestirse, odan keıin Nıkolaı Andropov ekinshi shaıdanyń avtory atandy. «Ak Barstan» jalǵyz shaıbany Mıhaıl Rahmanov soqty.
Osy jeńisten keıin «Barys» Qurlyqtyq hokkeı lıgasynyń «Shyǵys» dıvızıonynda birinshi orynda turǵan «Ak Barsqa» bir upaıǵa jaqyndady. Qazir Tatarstannyń komandasy 43 oıynnan keıin 86 upaı jınap, týrnır kestesiniń kósh basynda tursa, «Barys» 44 kezdesýde 85 upaı ıelenip, ekinshi orynǵa shyqty. Odan keıin bizdiń komandanyń ókshesin Magnıtogorskiniń «Metallýrgy» basyp keledi. Olar 42 oıynnan keıin 84 upaı jıanp otyr.
Endi «Barys» kelesi matchyn taǵy da syrt alańda ótkizedi. Bul joly otandastarymyz 9 qańtar kúni Nıjnıı Novgorod qalasynda jergilikti «Torpedo» komandasymen kezdesedi.
Dastan Kenjalın.
Derekkóz: http://www.khl.ru
