AQSh Ońtústik Koreıa aýmaǵyna qosymsha ásker kirgizetini jóninde málimdedi. Bul týraly Lenta.ru habarlady.
Pentagonnyń aqpary boıynsha, olar Ońtústik Koreıaǵa 800 áskerı qyzmetkerdi, sondaı-aq áskerı tehnıkalar kirgizedi. Pentagon bul sharalardy aqpan aıynda júzege asyrýdy josparlap otyr eken. AQSh áskeri KHDR-men shekaralas aýdandarǵa ornalastyrylady. Olardyń Ońtústik Koreıadaǵy qyzmeti toǵyz aıǵa sozylmaq.
1 qańtarda KHDR basshysy Kım Chen Yn dúnıejúzilik soǵys pen ıadrolyq qaýip týý múmkindigi jóninde málimdep, bul qaýiptiń AQSh-qa tónetinin aıtyp ótken. Sondaı-aq ol 25 jeltoqsanda KHDR armııasyn barynsha joǵary daıyndyq sapyna kelýge shaqyrdy.
AQSh Soltústik Koreıa tarapynan kez-kelgen arandatýshylyq áreketterge daıyn bolý kerek dep esepteıdi. Olar sondaı-aq Phenıannyń ıadrolyq jáne zymyrandyq baǵdarlamalaryn damytýyna alańdaýshylyq bildirýde.
Qazirgi ýaqytta Ońtústik Koreıa aýmaǵynda AQSh-tyń 28500 áskerı qyzmetkeri bar. Olar únemi Ońtústik Koreıamen birigip, oqý jattyǵýlaryn júrgizip turady.
Aıdar О́risbaev.
Derekkóz: Lenta.ru
Foto: Reuters.com
