Aýǵanstandaǵy AQSh pen NATO kúshteriniń qolbasshysy general-leıtenant Ostın Skott Mıller dúısenbi kúni qyzmetinen ketedi, dep habarlaıdy NBC telearnasy AQSh qorǵanys mınıstrliginiń ókilderine silteme jasap.
Habarlamada Mıller Aýǵanstandaǵy AQSh kúshterin ózinen burynǵylarǵa qaraǵanda uzaq ýaqyt basqarǵany atalǵan. Qorǵanys salasynyń úsh birdeı sheneýniginiń sózinshe, ol qyzmetin aıaqtaǵan soń otstavkaǵa ketýi múmkin.
Buǵan deıin Pentagonnyń ókili Djon Kırbı Aýǵanstandaǵy áskerı kontıngent AQSh Ortalyq qolbasshylyǵynyń basshysy general Kennet Makkenzıdiń baqylaýyna ótip jatyr, ókilettikterdi berý prosesi birneshe aptaǵa sozylady dep málimdegen.
Túsinikti bolýy úshin aıta keteıik, AQSh prezıdenti Djo Baıden 14 sáýirde Amerıka tarıhyndaǵy eń uzaq sheteldegi áskerı naýqanǵa aınalǵan Aýǵanstandaǵy operasııany toqtatý týraly sheshim qabyldaǵan bolatyn.
