Jaqynda Slovakııanyń Bratıslava qalasynda mánerlep syrǵanaýdan ótken «Slovakııanyń jańa jyldyq kýbogy» atty halyqaralyq týrnırde Elızaveta Tursynbaeva degen eń jas mánerlep syrǵanaýshy qyzymyz jeńimpaz atandy. Bul týraly egemen.kz tilshisi habarlady.
15 eldiń mánerlep syrǵanaýshylary qatysyp, bas júlde úshin baryn salyp óner kórsetken týrnırde otandasymyz ádil-qazylar alqasynyń eń joǵary baldaryna ıe boldy. Sóıtip,14 eldiń ókilderinen góri muz aıdynynda tamasha syrǵanap, kórermenderdiń kózaıymy bolyp ta úlgergen qyzymyz týrnırdiń jeńimpazy ataǵyn ıelendi. Elızabet Kanadanyń Toronto qalasynda belgili jattyqtyrýshy Braıan Orserdiń qaramaǵynda jattyǵady. Al negizi ol Qyzylorda oblysynyń týmasy eken. Endi Elızabet naýryz aıynda Bolgarııada jasóspirimder arasynda ótetin álem chempıonaty men Álemdik Gran-prı jarysyna qatysatyn bolady. Qazir ol soǵan daıyndyqty bastap ketti.
Dastan Kenjalın.
Derekkóz: www.kazsports.kz
