Kezdesý barysynda suhbattasýshylar Qazaqstan men Kanada arasyndaǵy saýda-ekonomıkalyq ózara is-qımyldyń mańyzdy salalary qataryna aýyl sharýashylyǵy jáne jer qoınaýyn paıdalaný, akademııalyq almasý, sondaı-aq KazAid jáne CIDA eki eldiń halyqaralyq damý agenttikteri arasyndaǵy yntymaqtastyqty atap ótti.
Taraptar 2021 jylǵy naýryzda eki eldiń syrtqy saıası vedomstvolary basshylarynyń orynbasarlary deńgeıindegi saıası konsýltasııalardyń tabysty ótkenine toqtaldy.
Osy turǵyda Elshiniń ekijaqty saıası, saýda-ekonomıkalyq jáne mádenı-gýmanıtarlyq qatynastardy damytýǵa qosqan eleýli úlesi atap ótildi.
N.Brýsso Kanadanyń Qazaqstandaǵy Elshisi qyzmetinde tórt jyl qyzmet atqardy, osy jyldar ishinde kóptegen salalarda ekijaqty baılanystar nyǵaıdy. Kanada Qazaqstannyń 10 iri sheteldik ınvestorlarynyń qataryna ene otyryp, búgingi kúnge deıin 6 mlrd AQSh dollarynan astam kólemde elimizge ınvestısııa saldy.
N.Brýssonyń ekijaqty baılanystardy damytýǵa qosqan jeke úlesin eskere otyryp, kanadalyq dıplomatqa QR Prezıdentiniń Alǵys haty tabys etildi.
