Halyqaralyq aýyl sharýashylyǵyn damytý qory, IýNISEF, Dúnıejúzilik azyq-túlik baǵdarlamasy, sondaı-aq Dúnıejúzilik densaýlyq saqtaý uıymy ázirlegen baıandamada ótken jyly ashtyq saldarynan 811 mıllıonǵa deıin adam zardap shekkendigi jazylǵan.
«2020 jyly álemde ashtyq problemasy birden ósti. Buǵan basty sebep COVID-19 pandemııasy bolyp otyr», delingen uıymnyń saıtynda.
Ashtyqqa ushyraǵandardyń basym kópshiligi – Azııa halqy. Olardyń úles salmaǵy 418 mıllıon adamdy qurap otyr. Al Afrıka memleketterinde 282 mıllıon halyq ashtyqqa ushyraǵan. Latyn Amerıkasy men Karıb basseıni aımaǵyndaǵy memleketterde de uqsas jaǵdaı. Atalǵan memleketterdegi ashyqqandar sany 60 mıllıon adamǵa teń.
Afrıkada ashtyqtyń birden ósip ketýi alańdatarlyq másele. Ondaǵy ashtyqqa ushyraǵandar sany halyqtyń 21%-yna tıesili. Bul álemniń kez kelgen aımaǵyna qaraǵanda eki ese kóp.
Shildede BUU qamqorlyǵymen Rımde Jahandyq azyq-túlik júıeleri boıynsha sammıtke daıyndyq bastalady. Onyń qatysýshylary ashtyqpen kúres, klımattyń ózgerýi, teńsizdik jáne qaqtyǵystardy sheshý joldaryn talqylaıtyn bolady.
