Maqtaaral aýdandyq polısııa bóliminiń kezekshi bólimine jumysqa ornalasýǵa ýáde bergen jáne bul «kómegin» 500 myń teńgege baǵalaǵan alaıaqqa jergilikti turǵyn aryz bergeni. Sotqa deıingi tergeýdiń biryńǵaı tiziliminde bul is QR QK 190-baby «Alaıaqtyq» boıynsha tirkeldi.
Polısııa kúdiktiniń izine túsip, ony turǵylyqty jeri boıynsha ustady. Tergeýshiler ony alaıaqtyqtyń 97 faktisine qatysty dep sanaıdy. Onyń ár alaıaqtyǵy bir jospar boıynsha júzege asyrylyp, nátıjesinde 300-den 700 myń teńgege deıin aqsha alǵan. Jalpy shyǵyn kólemi 47 mıllıon teńgeni qurady.
Is materıaldary Maqtaaral aýdandyq sotynda qaralyp, alaıaq áıel qylmys jasaǵany úshin 3,5 jylǵa bas bostandyǵynan aıyryldy.
